Бука Вячаслаў Ульянавіч нарадзіўся 20 кастрычніка 1942 года ў в. Маркі Шаркаўшчынскага раёна. Вядомы беларускі вучоны, прафесар, доктар біялагічных навук, загадчык аддзела біяхімічнай фармакалогіі Інстытута біяхіміі біялагічна актыўных злучэнняў Нацыянальнай акадэміі навук (г. Гродна). Аўтар больш за 450 навуковых прац, у тым ліку 5 манаграфій. Больш за 100 артыкулаў змешчаны ў часопісах і зборніках, з іх – 28 у прэстыжных міжнародных часопісах.

Стварыў уласную навуковую школу. Яго вучні працуюць не толькі ў навуковых установах Беларусі, але і ў Расіі, ЗША, Швейцарыі. Вячаслаў Бука абраны акадэмікам Міжнароднай акадэміі навук Еўразіі (1995) і Нью-Ёркскай акадэміі навук (1996). Чытаў лекцыі ў шэрагу замежных універсітэтаў Германіі, Італіі, Венгрыі, Іспаніі. Лаўрэат найвышэйшай навуковай узнагароды Ісламскай Рэспублікі Іран – прэміі Аль-Харэзмі (люты, 2013) за распрацоўку фундаментальных падыходаў да фармакалагічнай карэкцыі паталогіі печані і сумежных захворванняў.

ЛІТАРАТУРА

1. Бурэц, А. Прафесар Вячаслаў Бука атрымаў найвышэйшую навуковую ўзнагароду Ісламскай Рэспублікі Іран / А. Бурэц // Кліч Радзімы (Шаркаўшчына). – 2013. – 21 лют. – С. 2.

2. Кажан, К. Нашы вядомыя землякі. Ураджэнец вёскі Маркі Вячаслаў Ульянавіч Бука / К. Кожан // Кліч Радзімы (Шаркаўшчына). – 2012. – 9 лістап. – С. 4.

3. Наша родина здесь, над Дисною-рекой... = Our motherland is here over Disna river... : фотоальбом / [Отдел идеологической работы, культуры и по делам молодежи Шарковщинского районного исполнительного комитета]. – Новополоцк : О. В. Молодечкин, 2018. – 38 с.

СПАСЫЛКІ

  Бука Вячаслаў Ульянавіч