Бухавец Георгій Кліменцьевіч нарадзіўся 18 студзеня 1901 года ў Віцебску. Ваенны дзеяч.

Скончыў Віцебскія пяхотныя камандныя курсы (1922), курсы «Выстрал» (1938), Вышэйшыя акадэмічныя курсы пры Ваеннай акадэміі Генштаба (1948).

З 1920 года – у Чырвонай Арміі. Удзельнік грамадзянскай вайны. 3 1938 года – начальнік штаба стралковага корпуса.

У гады Вялікай Айчыннай вайны з 1941 года на Паўночна-Заходнім, Ленінградскім, 3-м Беларускім, 1-м Украінскім франтах. У 1944 годзе Г. К. Бухаўцу было прысвоена званне «генерал-лейтэнант».

З 9 ліпеня 1945 года генерал-лейтэнант Бухавец Георгій Кліменцьевіч – начальнік штаба Харкаўскай ваеннай акругі, а з 12 ліпеня 1946 года – Таўрычнай ваеннай акругі. З лютага 1947 па май 1948 гг. праходзіў навучанне ў Вышэйшай ваеннай акадэміі імя К. Я. Варашылава, затым быў прызначаны намеснікам генерал-інспектара Інспекцыі стралковых войскаў Галоўнай інспекцыі УС СССР. З сакавіка 1949 года – камандзір 82-га стралковага корпуса Адэскай ваеннай акругі, з ліпеня 1952 года – начальнік штаба – першы намеснік камандуючага войскамі Прыволжскай ваеннай акругі.

21 верасня 1953 года звольнены ў запас.

Узнагароджаны ордэнамі Леніна, Суворава, Кутузава I ступені, Чырвонага Сцяга (4), медалямі.

Памёр Георгій Кліменцьевіч 27 мая 1967 года.

ЛІТАРАТУРА

1. Бухавец Георгій Кліменцьевіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1996. – Т. 3 : Беларусы–Варанец. – С. 363.

2. Бухавец Георгій Кліменцьевіч // Ваенная энцыклапедыя Беларусі = Военная энциклопедия Беларуси / склад.: В. Ц. Осіпаў [і інш.] ; рэдкал.: А. В. Праляскоўскі [і інш.]. – Мінск : БелЭн імя П. Броўкі, 2010. – С. 186–187.

3. Бухавец Георгій Кліменцьевіч // Памяць: Віцебск : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад. А. І. Мацяюн ; мастак Э. Э. Жакевіч. – Мінск : БелЭн, 2003. – Кн. 2. – С. 527.

4. Буховец Георгий Климентьевич // Военачальники земли белорусской : энциклопедический справочник / Б. Д. Долготович. – Минск : БелЭн, 2005. – С. 122–123.

5. Буховец Георгий Климентьевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 112.