Бышнёў Ігар Іванавіч
Бышнёў Ігар Іванавіч нарадзіўся 7 студзеня 1964 года ў в. Халамер'е Гарадоцкага раёна, беларускі вучоны-арнітолаг, эколаг, рэжысёр і сцэнарыст дакументальнага кіно.
У 1985 годзе скончыў Беларускі дзяржаўны ўніверсітэт. 3 1985 года – навуковы супрацоўнік, арнітолаг Бярэзінскага біясфернага запаведніка, з 1999 года – дырэктар па развіцці і сувязям Рэспубліканскага таварыства «Ахова птушак Беларусі», член грамадскай арганізацыі «Ахова птушак Бацькаўшчыны». Даследуе згуртаванні птушак прыродных экасістэм Беларусі.
Аўтар манаграфіі «Атлас наземных пазваночных: Бярэзінскі біясферны запаведнік» (1997), навукова-папулярных кніг «Птушкі над Бярэзінай», «Біясферны запаведнік на Бярэзіне», «Жывёльны свет Беларусі ад "А" да "Я"», «Падарожжа ў свет прыроды Беларусі», альбомаў пра скарбы беларускай прыроды.
У дакументальным кіно Ігар Іванавіч з 1999 года. Заснаваў экалагічны кірунак у беларускай дакументалістыцы. Зняў цыкл відэафільмаў, прысвечаных прыродзе Беларусі: «Жывая вада», «Лясныя хованкі», «Жывыя сведкі ледавікоў» (усе 2000 ), «Апошнія арлы», «Жабы на дарогах», «Чаму ў бабра падрапаны нос» (усе 2002). Сярод іншых работ у кіно: цыкл фільмаў «У царстве бакланаў і чапляў» (2001), «Беларусь – некранутая прырода ў цэнтры Еўропы» (2003). Яго фільмы адзначаны прызамі Міжнародных кінафестываляў.
З'яўляецца рэжысёрам і вядучым праекта «Мільён пытанняў аб прыродзе» на тэлеканале «МІР».
Жыве ў в. Домжарыцы Лепельскага раёна.
ЛІТАРАТУРА
1. Багушэўская зямля натхніла на творчасць / падрыхт. В. Бандарэвіч // Голас Сенненшчыны. – 2018. – 4 верас. – С. 4.
2. Бышнев, И. И. «Берите бинокль, записную книжку, сапоги и – вперед. За окном много открытий» / И. И. Бышнев ; беседовала В. Гнилозуб // Белорусская нива. – 2013. – 19 дек. – С. 6.
3. Бышнев, И. И. Назад к природе с миллионом вопросов / И. И. Бышнев ; беседовала В. Попова // Советская Белоруссия. – 2014. – 4 янв. – С. 1–2. – (Прил.: ТВ твоего дома).
4. Бышнёв Игорь Иванович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 116.
5. Бышнёв Игорь Иванович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2006. – Т. 2 : А–Герань. – С. 576–577.
6. Дединкина, С. Вот такое кино от Игоря Бышнева / С. Дединкина // Народнае слова. – 2004. – 30 лістап. – С. 5.
7. «Кавалеры рек, болот и лесов» / подгот. Е. Петрова // Віцебскі рабочы. – 2012. – 19 чэрв. – С. 5.
8. Нячай, В. Ф. Бышнёў Ігар Іванавіч / В. Ф. Нячай // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2004. – Т. 18. Кн. І : Дадатак : Шчытнікі–Яя. – С. 357.
9. Нячай, В. Ф. Бышнёў Ігар Іванавіч / В. Ф. Нячай // Памяць: Гарадоцкі раён : гісторыка-дакументальныя хронікі гарадоў і раёнаў Беларусі / рэдкал.: Н. А. Бурунова [і інш.] ; уклад. С. І. Садоўская ; мастак Э. Э. Жакевіч. – Мінск : Беларусь, 2004. – С. 710–711.
10. Шпакоўская, Г. Чалавек з фотакамерай / Г. Шпакоўская // Народнае слова. – 2007. – 6 сак. – С. 8.
11. Шчыпанава, М. Спатканне з лесам / М. Шчыпанава, А. Лапіцкая // Літаратура і мастацтва. – 2018. – 25 мая. – С. 10.
СПАСЫЛКІ
Ігар Бышнёў: «Працаваць разам з сынамі – вялікае шчасце»
Ігар Бышнёў: «Прыроду не трэба ратаваць. Ратаваць трэба нас!»
