Чудакоў Алег Парфір'евіч нарадзіўся 23 кастрычніка 1940 года ў г. п. Сураж Віцебскага раёна. Беларускі вучоны ў галіне сківічна-тваравай хірургіі. Заснавальнік і прэзідэнт Беларускай асацыяцыі сківічна-тваравых хірургаў. Доктар медыцынскіх навук (1975), прафесар (1977). Заслужаны дзеяч навук Беларусі (1997).

Скончыў Пермскі медыцынскі інстытут (1964). З 1968 г. у Цюменскім медыцынскім інстытуце (з 1979 загадчык кафедры). З 1980 г. у Мінскім медыцынскім універсітэце (загадчык кафедры), адначасова (1986–1988) прарэктар па навуковай рабоце. З 1992 г. галоўны спецыяліст па сківічна-тваравай і пластычнай хірургіі.

Аўтар шэрагу навуковых прац па метадах пластычнага аднаўлення дэфектаў твару і шыі.

ЛІТАРАТУРА

1. Зубкова, Н. Сдержанная элегантность профессора Чудакова / Н. Зубкова // Знамя юности. – 2009. – 19 июня. – С. 23.

2. Чудакоў Алег Парфір'евіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2003. – Т. 17 : Хвінявічы–Шчытні. – С. 286.