Дубавец Пётр Азаравіч – беларускі вучоны ў галіне юрыспрудэнцыі.

Нарадзіўся 19 студзеня 1931 года ў в. Прудзец Талачынскага раёна ў сялянскай сям'і.

Член КПСС з 1959 года.

У 1955–1958 гг. пасля заканчэння Беларускага дзяржаўнага ўніверсітэта імя У. I. Леніна працаваў у органах пракуратуры Гомельскай вобласці.

3 1963 года – дацэнт БДУ імя У. I. Леніна. Быў першым у БССР выкладчыкам крыміналогіі.

У 1976–1979 гг. працаваў у органах пракуратуры Гомельскай вобласці.

З верасня 2008 года – прафесар кафедры крымінальнага права Беларускага дзяржаўнага ўніверсітэта.

Узнагароджаны медалём «Ветэран працы» (1987), ганаровымі граматамі Міністэрства вышэйшай і сярэдняй спецыяльнай адукацыі Беларускай ССР (1971, 1981), Міністэрства адукацыі Рэспублікі Беларусь (2001, 2005).

Кандыдат юрыдычных навук (1962).

Займаўся даследаваннем праблем крымінальнага і працоўнага права.

З'яўляецца аўтарам 34 навуковых прац, у тым ліку манаграфій, падручнікаў, вучэбных дапаможнікаў.

Сярод навуковых прац: «Адказнасць за цялесныя пашкоджанні паводле савецкага крымінальнага права» (1964), «Прававыя меры барацьбы супраць п'янства і алкагалізму» (1975), «Дэкларацыі і рэальнасць» (1987), «Навукова-практычны каментарый да крымінальнага кодэксу Беларускай ССР» (1989, сумесна з А. А. Ждановічам) і іншыя.

Памёр 29 студзеня 2013 года.

ЛІТАРАТУРА

1. Пётр Азаравіч Дубавец // Памяць: гісторыка-дакументальная хроніка Талачынскага раёна / рэдкал.: І. П. Шамякін [і інш.] ; мастак А. М. Хількевіч. – Мінск : БелЭн імя П. Броўкі, 1988. – С. 642.

СПАСЫЛКІ

 База данных «Ученые Беларуси» (НББ). Дубовец Петр Азарович 

 Барков, А. В. Становление школы уголовного права в Белорусском государственном университете