Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Ерашоў Анатоль Іванавіч

Дата нараджэння
30.04.1936
Месца нараджэння
Віцебская вобласць, Гарадоцкі раён, г. Гарадок
Род дзейнасці
навуковец
Спецыялізацыя
ветэрынарная вірусалогія, мікрабіялогія
Навуковая ступень
доктар біялагічных навук (1992)
Навуковае званне
прафесар (1993)

Ерашоў Анатоль Іванавіч нарадзіўся 30 красавіка 1936 года ў г. Гарадок, беларускі вучоны ў галіне ветэрынарнай вірусалогіі і мікрабіялогіі. Доктар біялагічных навук, прафесар.

У 1959 годзе скончыў Віцебскі ветэрынарны інстытут. З 1972 года пачаў працаваць у Беларускім навукова-даслдчым інстытуце эксперыментальнай ветэрынарыі імя С. М. Вышалескага, з 1986 года – у Малдаўскім навукова-даследчым інстытуце жывёлагадоўлі і ветэрынарыі. З 1991 года – ў Беларускім аграрна-тэхнічным універсітэце. З 2006 года – у Міжнародным дзяржаўным экалагічным інстытуце імя А. Д. Сахарава Беларускага дзяржаўнага ўніверсітэта, дзе з 2017 года прафесар кафедры сацыяльна-гуманітарных навук і ўстойлівага развіцця.

Аўтар шэрагу навуковых прац па метадах і сродках дыягностыкі і прафілактыкі інфекцыйных хвароб сельскагаспадарчай жывёлы, уздзеянню радыяцыі, магнітных і электрамагнітных палёў і хімічных фактараў на біялагічныя аб'екты. Мае 5 аўтарскіх пасведчанняў на вынаходніцтвы. Аўтар больш за 200 публікацый, у тым ліку артыкулаў у Беларускай энцыклапедыі.

 

ЛІТАРАТУРА

1. Ерашоў Анатоль Іванавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1998. – Т. 6 : Дадаізм–Застава. – С. 392–393.

2. Ерашоў Анатоль Іванавіч // Памяць: Гарадоцкі раён : гісторыка-дакументальныя хронікі гарадоў і раёнаў Беларусі / рэдкал.: Н. А. Бурунова [і інш.] ; уклад. С. І. Садоўская ; мастак Э. Э. Жакевіч. – Мінск : Беларусь, 2004. – С. 712.

 

СПАСЫЛКІ

arrow Ерошов Анатолий Иванович 

arrow Нашы землякі