Федарэнка Вячаслаў Аляксеевіч нарадзіўся 13 жніўня 1945 года ў в. Задуброўе Віцебскага раёна. Кандыдат медыцынскіх навук, дацэнт, выдатнік аховы здароўя СССР.

Скончыў Віцебскі медыцынскі інстытут. Працаваў хірургам у Бешанковіцкай цэнтральнай раённай бальніцы і Аршанскай гарадской бальніцы. З 1972 г. у Віцебскім медыцынскім інстытуце – аспірант кафедры агульнай хірургіі, асістэнт, дацэнт кафедры агульнай хірургіі. З 1998 г. – галоўны хірург Упраўлення аховы здароўя Віцебскага аблвыканкама.

Аўтар 52 друкаваных работ.

ЛІТАРАТУРА

1. Федарэнка Вячаслаў Аляксеевіч // Памяць: Віцебскі раён : гісторыка-дакументальныя хронікі гарадоў і раёнаў Беларусі / рэдкал.: А. П. Красоўскі [і інш.] ; уклад. У. І. Мезенцаў ; мастак Э. Э. Жакевіч. – Мінск : Мастацкая літаратура, 2004. – С. 698.