Фёдараў Мікалай Яўгенавіч
Фёдараў Мікалай Яўгенавіч нарадзіўся 26 жніўня 1938 года ў Віцебску ў сям'і чыгуначніка. Вучоны ў галіне медыцыны. Доктар медыцынскіх навук, прафесар.
У 1961 годзе скончыў Віцебскі медыцынскі інстытут, у 1965 годзе – аспірантуру пры гэтай навучальнай установе.
У 1965–1978 гг. – асістэнт, дацэнт, прафесар кафедры прапедэўтыкі ўнутраных захворванняў, навуковы супрацоўнік цэнтральнай навукова-даследчай лабараторыі Віцебскага медыцынскага інстытута. У 1978–1987 гг. – загадчык кафедры прапедэўтыкі ўнутраных захворванняў Растоўскага медыцынскага інстытута. З 1987 года – загадчык кафедры прапедэўтыкі ўнутраных захворванняў Віцебскага дзяржаўнага медыцынскага ўніверсітэта.
З 1998 года М. Я. Фёдараў – член-карэспандэнт Казахскай Нацыянальнай акадэміі медыцынскіх навук.
Аўтар больш за 250 навуковых прац, 2 вынаходніцтваў, вучэбных дапаможнікаў для студэнтаў.
Пры непасрэдным удзеле прафесара Фёдарава на базе клінічнай бальніцы ст. Віцебск быў створаны і працаваў гастраэнтэралагічны цэнтр Беларускай чыгункі.
У 1998 годзе прафесару М. Я. Фёдараву было прысвоена званне «Ганаровы чыгуначнік».
Памёр Мікалай Яўгенавіч 24 кастрычніка 2002 года.
ЛІТАРАТУРА
1. Памяти Николая Евгеньевича Фёдорова // Здравоохранение. – 2003. – № 3. – С. 61–62.
2. Федоров Николай Евгеньевич // Ученые-уроженцы Витебщины – для инновационной Беларуси / А. В. Русецкий, Н. К. Толочко. – Витебск : Витебский государственный университет, 2007. – С. 138.
3. Фёдараў Мікалай Яўгенавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2003. – Т. 16 : Трыпалі–Хвіліна. – С. 366.
4. Фёдараў Мікалай Яўгенавіч // Памяць: Віцебск : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад. А. І. Мацяюн ; мастак Э. Э. Жакевіч. – Мінск : БелЭн, 2003. – Кн. 2. – С. 540.
5. Фёдоров Николай Евгеньевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 557.
6. Фёдоров Николай Евгеньевич // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2008. – Т. 7 : Снегирь–Ящерицын – С. 353–354.
СПАСЫЛКІ
