Ганчарова Роза Іосіфаўна нарадзілася 10 сакавіка 1938 года ў Оршы, беларускі вучоны ў галіне генетыкі. Доктар біялагічных навук (1991). У 1960 г. скончыла Беларускі дзяржаўны універсітэт, атрымала размяркаванне на працу ў Інстытут біялогіі АН БССР. 3 1963 г. у Інстытуце генетыкі і цыталогіі НАН Беларусі.

У 1992 г. была абрана на пасаду загадчыка створанай лабараторыі антымутагенезу (у 2005 г. перайменавана ў лабараторыю генетычнай бяспекі) ДНУ «Інстытут генетыкі і цыталогіі НАН Беларусі».

Аўтар навуковых прац па праблемах антымутагенезу, генетычнай таксікалогіі (мутагены навакольнага асяроддзя), радыяцыйнай генетыкі (генетычныя наступствы Чарнобыльскай катастрофы).

Мае публікацыі ў часопісах з высокім індэксам цытавання. З'яўляецца членам бюро навуковага савета па радыебіялогіі РАН. Узнагароджана юбілейным медалём «У гонар 80-годдзя Нацыянальнай акадэміі навук Беларусі».

ЛІТАРАТУРА

1. Ганчарова Роза (Ружа) Іосіфаўна // Беларуская энцыклапедыя : у 18 т. / рэдкал.: Г. П. Пашкоў (гал. рэд.) [і інш.]. – Мінск : БелЭн, 1997. – Т. 6 : Гальцы–Дагорн. – С. 33.

2. Ганчарова Роза (Ружа) Іосіфаўна // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў (гал. рэд.) [і інш.] ; склад. Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 2000. – Кн. 2. – С. 421.

3. Гончарова Роза (Ружа) Иосифовна // Республика Беларусь : энциклопедия : в 7 т. / редкол. : Г. П. Пашков (гл. ред.) [и др.]. – Минск : БелЭн, 2006. – Т. 3 : Герасименко–Картель. – С. 121.