Гапееў Васіль Іванавіч нарадзіўся 21 студзеня 1951 года ў вёсцы Волева Дубровенскага раёна.

З 1967–1970 гг. вучыўся ў Аршанскім тэхнікуме чыгуначнага транспарту. Пасля службы ў арміі паступіў у Беларускі інстытут інжынераў чыгуначнага транспарту па спецыяльнасці «Эксплуатацыя чыгунак», які скончыў у 1977 годзе. Сваю працоўную дзейнасць пачаў з дзяжурнага, затым стаў начальнікам станцыі «Мінск-Паўднёвы» Мінскага аддзялення. Пасля працаваў галоўным інжынерам, начальнікам станцыі «Сцяпянка», начальнікам грузавога аддзела Мінскага аддзялення.

З лютага 2002 года займае пасаду начальніка Беларускай чыгункі. 27 жніўня 2004 года прызначаны намеснікам прэм’ер-міністра Рэспублікі Беларусь. З 2006 года пасол Рэспублікі Беларусь у Казахстане, на гэтай пасадзе ён прабыў да 2009 года.

Узнагароджаны знакам «Ганаровы чыгуначнік».

ЛІТАРАТУРА

1. Василий Иванович Гапеев// Железнодорожник Белоруссии.– 2006.– 25 нояб. – С. 2.

2. О назначении В.И. Гапеева Заместителем Премьер-министра Республики Беларусь: Указ Президента Республики Беларусь, 27 августа 2004 г., № 419 // Советская Белоруссия.– 2004. – 28 авг. – С. 2.