Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Грунтоў Пётр Сцяпанавіч

Дата нараджэння
10.08.1933
Месца нараджэння
Віцебская вобласць, Сенненскі раён, в. Гарнова
Дата смерці
19.12.2012
Род дзейнасці
навуковец
Спецыялізацыя
транспартныя сістэмы
Навуковая сфера
транспарт
Навуковае званне
дацэнт (1966)
Навуковае званне
прафесар (1977)
Узнагароды і прэміі
ордэн «Знак Пашаны»
знак «Ганаровы чыгуначнік»
Заслужаны дзеяч навукі і тэхнікі Беларусі (1978)

Грунтоў Пётр Сцяпанавіч нарадзіўся 10 жніўня 1933 года ў в. Гарнова Сенненскага раёна. Беларускі вучоны ў галіне транспартных сістэм.

У 1953 годзе з адзнакай скончыў Аршанскі тэхнікум МШЗ, у 1958 годзе – эксплуатацыйны факультэт Беларускага інстытута чыгуначнага транспарту. У 1958–1960 гг. працаваў на станцыі Сафонава Калінінскай чыгункі.

У 1960-я гг. вучыўся ў аспірантуры Беларускага інстытута чыгуначнага транспарту і ўзначальваў навукова-даследчы сектар інстытута. У 1965 годзе абараніў кандыдацкую дысертацыю, яму было прысвоена вучонае званне – дацэнт. У 1973–1999 гг. – загадчык кафедры.

У 1978 годзе абараніў доктарскую дысертацыю «Тэарэтычныя асновы тэхналогіі і развіцця сарціровачных станцый як асноўных элементаў транспартных сістэм». У 1986–1996 гг. – рэктар Беларускага інстытута чыгуначнага транспарту (з 1993 года – БелДУТ).

Доктар тэхнічных навук (1978), прафесар (1977). Заслужаны дзеяч навукі і тэхнікі Беларусі (1978). Лаўрэат прэміі Савета Міністраў СССР (1989), акадэмік, член Акадэміі транспарту Расійскай Федэрацыі, транспарту Украіны. Член Нью-Йоркскай Акадэміі навук (1966).

У 1986–2000 гг. – старшыня праўлення Гомельскай абласной арганізацыі «Веды». Абіраўся дэпутатам Гомельскага гарадскога і Гомельскага абласнога Савета дэпутатаў.

Аўтар 200 навуковых прац па аўтаматызаваных сістэмах кіравання чыгуначнага транспарту, стварэнні методык разліку надзейнасці і бяспечнасці пропуску транспартных патокаў; 11 манаграфій і некалькіх навучальных дапаможнікаў.

Узнагароджаны ордэнам «Знак Пашаны», знакам «Ганароваму чыгуначніку», значком «За выдатныя поспехі ў працы» ў галіне вышэйшай адукацыі СССР, медалямі Камітэта свету і таварыства «Веды» СССР, Міністэрства вышэйшай і прафесійнай адукацыі СССР.

Памёр 19 снежня 2012 года.

 

ЛІТАРАТУРА

1. Грунтоў Пётр Сцяпанавіч // Яны нарадзіліся на Сенненшчыне : біяграфічны даведнік / склад. А. В. Бараноўскі. – Віцебск : ВДУ імя Машэрава, 2016. – С. 44–45.

2. Грунтоў Пётр Сцяпанавіч // Памяць: Сенненскі раён : гісторыка-дакументальныя хронікі гарадоў і раёнаў Беларусі / рэдкал.: У. С. Богаў [і інш.] ; уклад. С. В. Шайко ; мастак Э. Э. Жакевіч. – Мінск : Паліграфафармленне, 2003. – С. 539.

3. Грунтов Пётр Степанович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2006. – Т. 3 : Герасименко–Картель. – С. 269.

4. Грунтов Пётр Степанович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 345.

5. Сасноўскі, Л. А. Грунтоў Пётр Сцяпанавіч / Л. А. Сасноўскі // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1997. – Т. 5 : Гальцы–Дагон. – С. 465.

6. Яго стыхія – чыгунка / падрыхт. В. Бандарэвіч // Голас Сенненшчыны. – 2017. – 26 верас. – С. 5.