Качанава Наталля Іванаўна нарадзілася 25 верасня 1960 года ў г. Полацк. Старшыня Савета Рэспублікі Нацыянальнага сходу Рэспублікі Беларусь.

У 1982 годзе скончыла Наваполацкі політэхнічны інстытут па спецыяльнасці «Водазабеспячэнне і каналізацыя», інжынер-будаўнік. У 2006 г. скончыла Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне нацыянальнай эканомікай», эканаміст-менеджар.

З 1982 па 1992 гг. працавала на розных пасадах у Наваполацкім міжгарадскім прадпрыемстве водаправодна-каналізацыйнай гаспадаркі. У 1995–2001 гг. працавала ў КУП «Жыллёва-камунальная гаспадарка г. Полацка». З 2002 г. – на дзяржаўнай службе: начальнік аддзела жыллёва-камунальнай гаспадаркі, намеснік старшыні па капітальным будаўніцтве і ЖКГ Полацкага гарвыканкама.

З лістапада 2007 года – старшыня Наваполацкага гарадскога выканаўчага камітэта. Член Савета Рэспублікі Нацыянальнага сходу Рэспублікі Беларусь 5-га склікання ад Віцебскай вобласці, намеснік старшыні Пастаяннай камісіі Савета Рэспублікі Нацыянальнага сходу Рэспублікі Беларусь па заканадаўстве і дзяржаўным будаўніцтве.

З 2014 па 2016 гг. прызначана намеснікам прэм'ер-міністра Рэспублікі Беларусь. Працуючы на пасадзе мэра, унесла вялікі ўклад у вырашэнне важнейшых задач сацыяльна-эканамічнага развіцця Наваполацка.

Cа снежня 2016 па снежань 2019 гг. – Кіраўнік Адміністрацыі Прэзідэнта Рэспублікі Беларусь. 6 снежня 2019 года назначана членам Савета Рэспублікі Нацыянальнага сходу Рэспублікі Беларусь VII склікання, абраная Старшынёй Савета Рэспублікі Нацыянальнага сходу Рэспублікі Беларусь.

Н. І. Качанава ўзнагароджана дзяржаўнай узнагародай – медалём «За працоўныя заслугі», удастоена звання «Жанчына Віцебшчыны 2002 года». Узнагароджана ордэнам Святой Прападобнай Еўфрасінні Полацкай, медалём «Прападобная Еўфрасіння Ігумення Полацкая»; нагруднымі знакамі: «За асаблівыя заслугі», «За заслугі перад Полацкам», «Выдатнік адукацыі», УА «Полацкі дзяржаўны ўніверсітэт», «15 гадоў Полацкаму памежнаму атраду»; граматамі і падзякамі Полацкага прадпрыемства «Водаканал», старшыні Полацкага выканаўчага камітэта, старшыні Віцебскага абласнога выканаўчага камітэта і інш. У 2014 годзе прысвоена званне «Ганаровы грамадзянін горада Наваполацка».

ЛІТАРАТУРА

1. Бегунова, Е. С душой и от души / Е. Бегунова // Рэспубліка. – 2013. – 17 студз. – С. 1.

2. Винар, Ю. Госпожа мэр / Ю. Винар // Алеся. – 2008. – № 7. – С. 16–17.

3. Качанава, Н. І. «У Полацку я дома» / Н. І. Качанава ; гутарыла Л. Ракоўская // Звязда. – 2017. – 2 верас. – С. 3.

4. Кочанова, Н. И. «Карьеру во главу угла не ставлю» / Н. И. Кочанова // Народнае слова. – 2007. – 1 снеж. – С. 2.

5. Кочанова, Н. И. Хозяйка большого города / Н. И. Кочанова ; беседовала Л. Дедюро // Віцебскі рабочы. – 2011. – 10 дек. – С. 4.

6. Кочанова Наталья Ивановна // Почетные граждане города Новополоцка / [сост. С. Б. Филиппенкова ; ред. совет: Н. М. Марченко, В. К. Мартыненко, М. В. Караваева]. – Новополоцк : ПГУ, 2015. – С. 38–39.

7. Малашеня, Л. Год у руля Новополоцка / Л. Малашеня // Народнае слова. – 2009. – 31 студз. – С. 4.

8. Рыжкова, Н. За духовное возрождение / Н. Рыжкова // Віцебскі рабочы. – 2013. – 17 студз. – С. 1.

9. Рыжкова, Н. Навстречу людям / Н. Рыжкова // Віцебскі рабочы. – 2012. – 20 снеж. – С. 9.

10. Факеев, В. К Новополоцку повышенные требования / В. Факеев // Витебские вести. – 2019. – 30 апр. – С. 2.

СПАСЫЛКІ

 Кочанова Наталья Ивановна

 Н. Кочанова избрана Председателем Совета Республики Национального собрания Республики Беларусь