Калінін Пётр Захаравіч – партыйны і дзяржаўны дзеяч Беларусі, адзін з арганізатараў і кіраўнікоў партызанскага руху на тэрыторыі Беларусі ў гады Вялікай Айчыннай вайны.

Нарадзіўся 25 студзеня 1902 года ў былой вёсцы Альховікі Шумілінскага раёна.

Скончыў Рэспубліканскую школу прапагандыстаў пры ЦК КП(б)Б (1937), Вышэйшую школу партыйных арганізатараў пры ЦК УКП(б) (1941).

У 1924–1926 гг. служыў чырвонаармейцам 16-га асобнага палявога цяжкага артылерыйскага дывізіёна.

У 1927–1935 гг. – на гаспадарчай і партыйнай рабоце.

З 1938 года – у апараце ЦК КП(б)Б, з 1939 года – намеснік наркама земляробства БССР, 1-ы сакратар Вілейскага абкама КП(б)Б.

У 1941–1944 гг. – сакратар ЦК КП(б)Б, член ваеннага савета 21-й арміі, намеснік начальніка штаба партызанскага руху пры ваенсавеце Заходняга фронту.

З верасня 1942 года – начальнік Беларускага штаба партызанскага руху.

З 1944 года – 1-ы сакратар Гродзенскага абкама КП(б)Б, з 1948 года – намеснік старшыні Савета Міністраў БССР, з 1951 года – міністр саўгасаў, з 1953 года – міністр дарожнай і транспартнай гаспадаркі; з 1957 года – міністр хлебапрадуктаў БССР, з 1959 года – саветнік Савета Міністраў БССР.

Член ЦК КПБ у 1940–1952, 1956–1960 гг.

Дэпутат Вярхоўнага Савета СССР (1946–1958), дэпутат Вярхоўнага Савета БССР (1938–1955, 1959–1963).

Аўтар успамінаў «Партызанская рэспубліка» (3 выд., 1973).

Узнагароджаны двума ордэнамі Леніна, ордэнамі Суворава І ступені, Айчыннай вайны І ступені, Працоўнага Чырвонага Сцяга, медалямі.

Памёр 12 снежня 1966 года.

ЛІТАРАТУРА

1. Калінін Пётр Захаравіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1998. – Т. 7 : Застаўка–Кантата. – С. 466–467.

2. Калінін Пётр Захаравіч // Беларусь у Вялікай Айчыннай вайне 1941–1945 : энцыклапедыя / рэдкал.: А. Я. Андрэеў [і інш.]. – Мінск : БелСЭ, 1990. – С. 237.

3. Калинин Пётр Захарович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2006. – Т. 3 : Герасименко–Картель. – С. 841.

4. Петр Захарович Калинин // Высшее партизанское командование Белоруссии, 1941–1944 : справочник / Э. Г. Иоффе [и др.] ; под общ. ред. Э. Г. Иоффе. – Минск : Беларусь, 2009. – С. 45–48.

5. Петр Захарович Калинин // Память: историко-документальная хроника Шумилинского района / редкол.: И. П. Шамякин [и др.] ; худож. А. Н. Хилькевич. – Минск : БелЭн им. П. Бровки, 1985. – С. 511.

6. Фалей, Е. С. Калинин Пётр Захарович / Е. С. Фалей // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 473.

СПАСЫЛКІ

 Петр Захарович Калинин (биографический указатель)