Канапелька Валерый Канстанцінавіч нарадзіўся 7 студзеня 1948 года ў пасёлку Дымаўшчына Віцебскага раёна. Беларускі вучоны ў галіне радыёэлектронікі. Доктар тэхнічных навук (1990), прафесар (1992).

Скончыў Мінскі радыётэхнічны інстытут (1971). З 1974 г. працуе ў Беларускім універсітэце інфарматыкі і радыёэлектронікі, з 1996 г. у Вышэйшым каледжы сувязі.

Навуковыя працы па тэорыі інфармацыі, тэорыі кадзіравання, лічбавай апрацоўцы інфармацыі, распрацоўцы звышвялікіх інтэгральных схем і сістэм на іх аснове, у тым ліку сістэм памяці.

ЛІТАРАТУРА

1. Канапелька Валерый Канстанцінавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. –Мінск : БелЭн, 1998. – Т. 7 : Застаўка–Кантата. – С. 570.