Караткоў Петр Іванавіч нарадзіўся 17 верасня 1916 года ў в. Яроміна Саратаўскай вобласці.

Удзельнік Вялікай Айчыннай вайны, ваяваў у складзе Ленінградскага і Прыбалтыйскага франтоў.

Пасля дэмабілізацыі ў 1946 г. працаваў на інжынерных пасадах на Орскім нафтаперапрацоўчым заводзе, у пусканаладачнай брыгадзе Саюзнай Канторы «Аргнафтазавода», будаваў і ўводзіў у эксплуатацыю ўстаноўкі алейнай вытворчасці Новакуйбышэўскага нафтаперапрацоўчага завода на пасадзе намесніка галоўнага інжынера. Працаваў на кіруючых пасадах Разанскага і Сярэдневолжскага Саўнаргаса. У 1964 г. пераехаў з Валгаграда ў Полацк.

З 1964 па 1977 гг. – дырэктар Полацкага нафтаперапрацоўчага завода. Кіраваў пускам многіх установак, комплексаў, тэхналагічных ліній. У 1966 г. была запушчана ў эксплуатацыю самая буйная ў СССР і першая ў Еўропе ўстаноўка па перапрацоўцы 6 млн. тон нафты ў год. Дэлегат XXIV з'езду КПСС, дэпутат Вярхоўнага Савета БССР.

Лаўрэат Дзяржаўнай прэміі СССР. Узнагароджаны ордэнамі Леніна і Кастрычніцкай Рэвалюцыі. У 1985 г. прысвоена званне «Ганаровы грамадзянін горада Наваполацка».

Памёр Пётр Іванавіч у 1989 годзе.

ЛІТАРАТУРА

1. Коротков Петр Иванович // Почетные граждане города Новополоцка / [сост. С. Б. Филиппенкова ; ред. совет: Н. М. Марченко, В. К. Мартыненко, М. В. Караваева]. – Новополоцк : ПГУ, 2015. – С. 9.

2. Факеев, В. След на земле / В. Факеев // Новополоцк сегодня. – 2016. – 5 февр. – С. 4.