Казанцаў Віктар Германавіч – ваенны і дзяржаўны дзеяч Расіі.

Нарадзіўся 22 лютага 1946 года ў п. Коханава Талачынскага раёна.

Скончыў Свярдлоўскае сувораўскае ваеннае вучылішча (1956–1963), Ленінградскае каманднае агульнавайсковае вучылішча (1966), Ваенную акадэмію імя Фрунзе (1979), Ваенную акадэмію Генеральнага штаба (1987).

З 1966 года працаваў на камандных і штабных пасадах у Савецкай Арміі, з 1991 года – у Расійскай Арміі.

З 1993 года – начальнік штаба Забайкальскай ваеннай акругі, з 1996 года – першы намеснік камандуючага.

З 1997 года – камандуючы войскамі Паўночнай Каўказскай ваеннай акругі, адначасова ў 1999–2000 гг. узначальваў аб'яднаную групоўку войск, якая ажыццяўляла контр-тэрарыстычную аперацыю на Паўночным Каўказе.

Указам Прэзідэнта РФ ад 4 снежня 1999 года В. Казанцаву прысвоена званне «Герой Расійскай Федэрацыі».

З 2000 года – генерал арміі. Доктар педагагічных навук. Кандыдат філасофскіх навук.

У 2000–2002 гг. быў прадстаўніком Прэзідэнта Расіі па Паўднёвай федэральнай акрузе.

Узнагароджаны ордэнамі Чырвонай Зоркі, «За службу Радзіме ва Узброеных Сілах СССР» II і III ступені, «За заслугі перад Айчынай» III ступені, «За ваенныя заслугі», Святога апостала Андрэя Першазванага, медалём «За баявыя заслугі» і іншымі.

ЛІТАРАТУРА

1. Генерал армии // Синеокая Толочинщина: история, экономика, культура, памятные места / А. А. Шнейдер. – Минск : Бизнесофсет, 2009. – С. 42.

2. Долготович, Б. Д. Казанцев Виктор Германович / Б. Д. Долготович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2010. – Т. 2 : Витебская область : в 2 кн. – Кн. 1. – С. 471–472.

3. Долготович, Б. Д. Казанцев Виктор Германович / Б. Д. Долготович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2006. – Т. 3 : Герасименко–Картель. – С. 830.

4. Казанцев Виктор Германович // Слава и гордость земли Витебской : биографический справочник / сост. М. Н. Пригожий ; редкол.: М. П. Кузьмич [и др.]. – Витебск : Витебская областная типография, 2009. – С. 163.

5. Королев, М. Генералы России / М. Королев // Наша Талачыншчына. – 2005. – 26 кастр. – С. 1.

6. Юдчиц, А. Генерал Казанцев / А. Юдчиц // Сцяг iльiча (Талачын). – 1999. – 27 лiстап. – С. 1.

СПАСЫЛКІ

 Герои страны. Казанцев Виктор Германович 

 Фонд апостола Андрея Первозванного. Казанцев Виктор Германович