Харошка Рэгіна Пракопаўна нарадзілася ў пасёлку Асінторф Дубровенскага раёна.

Беларускі вучоны фізічных і хімічных навук. У 1960 годзе скончыла Беларускі дзяржаўны ўніверсітэт. З 1960 года працуе ў Інстытуце арганічнай і неарганічнай хіміі, у 1981–1991 гг. – у Інстытуце фізіка-арганічнай хіміі Нацыянальнай акадэміі навук Беларусі.

Навуковыя працы па фізіка-хіміі палімераў і штучных іанітных глебах на аснове іонна-абменных матэрыялаў.

Званне кандыдат хімічных навук прысвоена ў 1976 годзе. Дзяржаўная прэмія Беларусі прысуджана ў 1980 годзе.

ЛІТАРАТУРА

1. Харошка Рэгіна Пракопаўна// Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2003. – Т. 16 : Трыпалі–Хвіліна. – С. 551.