Хлімановіч Аляксей Міхайлавіч нарадзіўся ў 1929 годзе ў вёсцы Ляхаўка Дубровенскага раёна.

Працаваў памочнікам бухгалтара, касірам. Адслужыўшы ў радах Савецкай Арміі, вяртаецца ў калгас, працуе кладаўшчыком у весцы Гладкія. У 1958 годзе пераязджае ў Падмаскоўе. Заканчвае Мажайскую музычную вячэрнюю школу. У вольны час удзельнічае ў мастацкай самадзейнасці, піша музыку, песні на словы розных аўтараў, наведвае заняткі, якія праводзілі вядомыя кампазітары.

Песні самадзейнага кампазітара гучалі ў Падмаскоўі, Краснаярскім краі, Смаленскай, Мінскай і Віцебскай абласцях, друкаваліся ў газетах і часопісах.

Памёр Аляксей Міхайлавіч 30 чэрвеня 1982 года.

ЛІТАРАТУРА

1. Волах, У. Крыніца натхнення / У. Волах // Дняпроўская праўда (Дуброўна). – 2001. – 23 чэрв. – С. 3.

2. Рыжанкова, А. Песні земляка – на сельскай сцэне / А. Рыжанкова // Дняпроўская праўда (Дуброўна). – 1973. – 18 жн. – С. 2.