Хмяльніцкая Людміла Уладзіміраўна нарадзілася 17 кастрычніка 1961 года ў Віцебску. Гісторык, краязнаўца.

У 1976 годзе скончыла сярэднюю школу № 34 г. Віцебска, у 1988 годзе – гістарычны факультэт Беларускага дзяржаўнага ўніверсітэта.

У 1980–1981 гг. працавала мантажніцай радыёапаратуры на Віцебскім тэлевізійным заводзе, у 1981–1984 гг. – майстрам вытворчага навучання ў ПТВ № 154 г. Віцебска, у 1984–1988 гг. – аператарам ЭВМ у Віцебскім праектна-канструктарскім бюро аўтаматызаваных сістэм кіравання, у 1988–1989 гг. – малодшым навуковым супрацоўнікам у Віцебскім абласным краязнаўчым музеі, у 1989–1993 гг. – мастацтвазнаўцам у НДІ «Белспецпраектрэстаўрацыя», у 1993–1998 гг. – старшым навуковым супрацоўнікам у Віцебскім абласным краязнаўчым музеі, у 1998–2014 гг. – дырэктарам Музея Марка Шагала. З'яўлялася галоўным рэдактарам «Бюлетэня Музея Марка Шагала».

Займаецца даследаваннямі гісторыі і культуры Віцебска і Віцебшчыны XVIII – пачатку XX стст. Прымала ўдзел у больш за 40 краязнаўчых і навуковых канферэнцыях, якія праходзілі ў Віцебску, Браславе, Полацку, Мінску, Маскве, Варшаве, Кракаве і інш.

Аўтар шматлікіх артыкулаў і кніг па гісторыі і культуры Віцебшчыны: «Гісторык з Віцебска» (прысвечана А. П. Сапунову), «На Белай Русі ў Сар'і...» (прысвечана роду Лапацінскіх на Віцебшчыне), «Прогулки со старой картой : очерк истории Витебска начала XX века», «Шагал и Витебск», «Витебск за один день», «Сигизмунд Юрковский – фотограф из Витебска», «Лёс інсургента: дакументальная аповесць аб Аляксандру Рыпінскім і ягоным часе» і інш.

Галоўны рэдактар навукова-папулярнага часопіса «Віцебскі сшытак». (http://vlib.by/index.php/ru/vitsebski-sshytak)

За ўклад у развіццё культурнага супрацоўніцтва паміж Рэспублікай Беларусь і Латвіяй Людміла Уладзіміраўна адзначана дзяржаўнай узнагародай Латвіі – Крыжам Прызнання IV ступені.

ЛІТАРАТУРА

1. Дружкова, К. Гаспадыня дома Шагала / К. Дружкова // Віцебскі рабочы. – 2001. – 7 ліп. – С. 6.

2. Дрындрожык, Н. «Правінцыя – не месца жыхарства, а спосаб мыслення»: так лічыць Людміла Хмяльніцкая, адна з гераінь кнігі «Сустрэчы без абцасаў» / Н. Дрындрожык // Звязда. – 2016. – 23 ліп. – С. 6.

3. Захаренко, Н. «Я – историк искусств» / Н. Захаренко // Віцьбічы = Витьбичи. – 2004. – 17 янв. – С. 3.

4. Крупица, Н. Во вселенной Шагала / Н. Крупица // Віцьбічы = Витьбичи. – 2012. – 16 февр. – С. IV. – (Прил.: Вечерний Витебск).

5. Людміла Хмяльніцкая: «Так захапілася Шагалам, што затапіла суседзяў...» // Сустрэчы без абцасаў / Н. Дрыла. – Мінск : Звязда, 2015. – С. 158–166.

6. Пастернак, Т. Директор музея – должность творческая / Т. Пастернак // Народнае слова. – 2012. – 14 лют. – С. 4.

7. Рагачова, Л. На вечар да Людмілы / Л. Рагачова // Віцьбічы = Витьбичи. – 2016. – 23 июля. – С. 5.

8. Рыжкова, Н. Искусство жить / Н. Рыжкова // Віцебскі рабочы. – 2012. – 23 февр. – С. 16.

9. Соловьёва, Т. Людмила Хмельницкая: «Провинция – это способ мышления» / Т. Соловьёва // Витебский проспект. – 2012. – 16 февр. – С. 3.

10. Соловьева, Т. Провинция – это способ мышления / Т. Соловьева // Народная газета. – 2012. – 27 лістап. – С. 5.

11. Хмяльніцкая, Л. Людміла Хмяльніцкая: «Я адпачываю ў архіве» / Л. Хмяльніцкая ; гутарыла Г. Шпакоўская // Народнае слова. – 2002. – 4 мая. – С. 5.

12. Хмяльніцкая Людміла Уладзіміраўна // Краязнаўцы Віцебшчыны другой паловы XX – пачатку XXI ст. : біябібліяграфічны даведнік / М. Півавар. – Мінск : Кнігазбор, 2010. – С. 287–289.

13. Хмяльніцкая Людміла Уладзіміраўна // Краязнаўчая газета. – 2006. – № 24 (чэрв.). – С. 2.

14. Шпакоўская, Г. «Віцебскі сшытак» мае працяг / Г. Шпакоўская // Витебские вести. – 2017. – 2 дек. – С. 10.

15. Шпакоўская, Г. Чалавек, які добра ведае Віцебск / Г. Шпакоўская // Витебские вести. – 2016. – 21 июля. – С. 24.