Ходан Мікалай Данілавіч нарадзіўся 3 жніўня 1918 года ў в. Юхавічы Расонскага раёна.

Скончыў Тамбоўскае артылерыйска-тэхнічнае вучылішча.

З 1939 года – кадравы ваенны.

З пачаткам Вялікай Айчыннай вайны – у Чырвонай Арміі ў складзе 29-й арміі Заходняга і Калінінскага франтоў.

З лютага 1943 года – у 1-й гвардзейскай Чырванасцяжнай танкавай арміі Паўночна-Заходняга Варонежскага, 1-га Украінскага і 1-га Беларускага франтоў.

У 1945 годзе – начальнік службы артылерыйскага ўзбраення 8-га гвардзейскага Прыкарпацкага Берлінскага механізаванага корпуса.

Удзельнік штурму Берліна.

Інжынер-генерал-маёр (1966).

Генерал-маёр (1984).

Узнагароджаны 2 ордэнамі Айчыннай вайны I ступені, ордэнамі Айчыннай вайны II ступені, Чырвонага Сцяга, Працоўнага Чырвонага Сцяга, Чырвонай Зоркі, «За службу Радзіме ва Узброеных Сілах СССР» III ступені, 16 медалямі СССР, 11 ордэнамі і медалямі Балгарыі, Венгрыі, Манголіі, Польшчы, Чэхаславакіі.

Памёр у 2003 годзе.

ЛІТАРАТУРА

1. Мікалай Данілавіч Ходан // Памяць: гісторыка-дакументальная хроніка Расонскага раёна / рэдкал.: Б. І. Сачанка [і інш.] ; мастак А. М. Хількевіч. – Мінск : БелЭн імя П. Броўкі, 1994. – С. 200.

2. Последний бой – он трудный самый / подгот. М. Алексеева // Голас Расоншчыны. – 2013. – 8 мая. – С. 3.