Кормер Самуіл Барысавіч нарадзіўся 25 лістапада 1922 года ў г. п. Арэхаўск Аршанскага раёна, расійскі фізік, член-карэспандэнт АН СССР (1981), доктар фізіка-матэматычных навук, прафесар.

Скончыў Артылерыйскую акадэмію імя Ф. Дзяржынскага (1946). З 1947 г. у ядзерным цэнтры КБ-11 (г. Арзамас-16, цяпер Сароў). Навуковыя працы па фізіцы выбуху, вызначэнні параметраў сферычнай дэтанацыйнай хвалі і распаўсюджванні гукавых хваль ва ўдарнасціснутых рэчывах. Стварыў магутныя ёдныя лазеры і ўпершыню атрымаў імпульсы тэрмаядзерных нейтронаў у рэжыме «выбуховай абалонкі». Удзельнік распрацоўкі і ўдасканалення савецкай ядзернай зброі. Дзяржаўная прэмія СССР (1949). Ленінская прэмія (1959).

Памёр Самуіл Барысавіч 10 жніўня 1982 года.

ЛІТАРАТУРА

1. Болсун, А. Белорусские имена в науке (физика, физико-технические науки, астрономия) / А. Болсун // Изобретатель. – 2016. – № 1. – С. 33–40.

2. Кормер Самуіл Барысавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1999. – Т. 8 : Канто–Кулі. – С. 410.

3. Позойский, С. В. Ученые-физики – уроженцы Витебщины / С. В. Позойский // Фiзiка: праблемы выкладання. – 2006. – № 1. – С. 26–27.

4. Попов, Ф. Атомную бомбу делали и наши земляки / Ф. Попов // Беларускі гістарычны часопіс. – 2000. – № 4. – С. 44–51.