Кунцэвіч Канстанцін Мікалаевіч нарадзіўся 8 лютага 1951 года ў в. Сурнаўка Талачынскага раёна, беларускі сацыёлаг.

У 1969–1971 гг. служыў у Савецкай Арміі. У 1977 годзе скончыў Ленінградскі ўніверсітэт.

У 1981–2008 гг. працаваў у Беларускім дзяржаўным універсітэце, адначасова ў 1996–2009 гг. у Мінскім інстытуце кіравання.

З 2009 года – прафесар Інстытута кіравання і прадпрымальніцтва.

Кандыдат сацыялагічных навук (1980), доктар сацыялагічных навук (1994), прафесар сацыялагічных навук (1994).

Навуковыя працы па праблемах лібералізму, канстытуцыйнага права, пытаннях консульскай дзейнасці.

З'яўляецца аўтарам больш за 40 публікацый навуковага і вучэбна-метадычнага характару, 6 манаграфій, 16 навучальных дапаможнікаў.

Сярод манаграфій: «Лібералізм: сутнасць, вытокі, перспектывы» (1993), «Параўнальнае канстытуцыйнае права» (1998), «Канстытуцыйнае права Рэспублікі Беларусь» (2000).

Памёр у 2012 годзе.

ЛІТАРАТУРА

1. Бараноўскі, П. М. Кунцэвіч Канстанцін Мікалаевіч / П. М. Бараноўскі // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1999. – Т. 9 : Кулібін–Малаіта. – С. 23.

2. Кунцевич Константин Николаевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 13.

3. Кунцевич Константин Николаевич // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2007. – Т. 4 : Картография–Миноговые. – С. 360.

4. Кунцэвіч Канстанцін Мікалаевіч // Культура Беларусі : энцыклапедыя : [у 6 т.] / рэдкал.: У. Ю. Аляксандраў [і інш.]. – Мінск : БелЭн імя П. Броўкі, 2013. – Т. 4 : З–Л. – С. 633.

СПАСЫЛКІ

 Константин Николаевич Кунцевич

 «Персоналии белорусской социологии». Электронный справочник. Кунцевич Константин Николаевич