Лысенка Ірына Міхайлаўна нарадзілася 29 жніўня 1954 года ў Віцебску. Вучоны ў галіне педыятрыі. Доктар медыцынскіх навук, прафесар.

У 1977 годзе скончыла Віцебскі медыцынскі інстытут. Пасля яго заканчэння працавала ў Аршанскай цэнтральнай раённай бальніцы. У 1984 годзе Ірына Лысенка абараніла кандыдацкую дысертацыю, у 1997 годзе – доктарскую.

Працуе ў Віцебскім дзяржаўным медыцынскім універсітэце. З 1997 года – прафесар кафедры педыятрыі.

Аўтар больш за 500 навуковых прац, 10 манаграфій і больш за 10 навуковых дапаможнікаў на тэму паталогіі гіпафізарна-тырэоіднай сістэмы дзяцей, рэабілітацыі аслабленых дзяцей бязлекавымі сродкамі (рэфлексатэрапія, фітатэрапія, масаж і інш.). Прымае ўдзел у навуковых, навукова-практычных канферэнцыях.

Член навуковага педыятрычнага таварыства Беларусі, навуковага алергалагічнага і імуналагічнага таварыстваў Расійскай Федэрацыі. Неаднаразова ўзнагароджвалася граматамі Міністэрства аховы здароўя Рэспублікі Беларусь, Міністэрства адукацыі Рэспублікі Беларусь, абласнога і гарадскога выканаўчых камітэтаў.

ЛІТАРАТУРА

1. Лысенка Ірына Міхайлаўна // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 1999. – Т. 9 : Кулібін–Малаіта. – С. 384.

2. Лысенка Ірына Міхайлаўна // Памяць: Віцебск : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад. А. І. Мацяюн ; мастак Э. Э. Жакевіч. – Мінск : БелЭн, 2003. – Кн. 2. – С. 529.

СПАСЫЛКІ

 Лысенко Ирина Михайловна