Мальта Уладзімір Іванавіч нарадзіўся ў 1932 годзе ў в. Кучына Докшыцкага раёна (цяпер не існуе). Кандыдат тэхнічных навук. Заслужаны работнік прамысловасці Беларусі (1976). Скончыў машынабудаўнічы факультэт Беларускага політэхнічнага інстытута (1959). 3 1956 г. працаваў інжынерам-канструктарам на заводзе аўтаматычных ліній. У 1963–1983 гг. – вядучы канструктар, начальнік аддзела, намеснік галоўнага інжынера, галоўны інжынер навукова-вытворчага канцэрна «Планар».

Аўтар 27 вынаходстваў, 31 навуковай працы. Дзяржаўная прэмія СССР (1977) за стварэнне комплекса аўтаматычнага прэцызійнага оптыка-механічнага абсталявання для мікраэлектронікі. Узнагароджаны ордэнам Працоўнага Чырвонага Сцяга, Граматай Вярхоўнага Савета СССР. Памёр Уладзімір Іванавіч Мальта 6 красавіка 1983 года.

ЛІТАРАТУРА

1. Мальта Уладзімір Іванавіч // Памяць: Докшыцкі раён : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.] ; уклад. А. В. Скараход ; мастак Э. Э. Жакевіч. – Мінск : БелЭн, 2004. – С. 628.