Малянтовіч Павел Мікалаевіч нарадзіўся ў 1869 годзе ў Віцебску. Палітычны дзеяч, юрыст. Адзін з заснавальнікаў савецкай адвакатуры.

Праз некаторы час сям'я Малянтовічаў пераехала ў Смаленск. Юнак паступіў на юрыдычны факультэт Маскоўскага ўніверсітэта, але не скончыў яго – быў адлічаны за ўдзел у рэвалюцыйным руху. Адукацыю атрымаў завочна ў Дэрптскім універсітэце ў 1894 годзе.

З 1898 года працаваў адвакатам Маскоўскай судовай палаты. Прымаў удзел у шматлікіх працэсах.

У 1917 годзе П. Малянтовіч заняў пасаду міністра юстыцыі Часовага ўрада. У ноч с 25 на 26 кастрычніка быў арыштаваны разам з усімі членамі ўрада. Неўзабаве быў вызвалены і працягваў займацца юрыспрудэнцыяй.

Узначальваў Маскоўскую калегію адвакатаў.

У 20-я гады выйшлі некаторыя кнігі Паўла Мікалаевіча па пытаннях юрыспрудэнцыі. У 1930 годзе зноў быў арыштаваны. За Паўла Мікалаевіча заступіліся многія знакамітыя бальшавікі, яго вызвалілі. Другі арышт адбыўся 26 лістапада 1937 года. Паўла Мікалаевіча прыгаварылі да вышэйшай меры пакарання – расстрэлу 21 студзеня 1940 года.

У 1959 годзе Малянтовіч Павел Мікалаевіч быў рэабілітаваны пасмяротна.

ЛІТАРАТУРА

1. Арестован в Зимнем // Беларусы в Петропавловке / Э. Корнилович. – Минск : ФУАинформ, 2014. – 255–262.

2. Афанасьеў, В. Апошні генерал-пракурор царскай Расіі / В. Афанасьеў // Краязнаўчая газета. – 2013. – № 41 (лістап.). – С. 6.

3. Вишневский, А. Ф. Министр Керенского / А. Ф. Вишневский // Беларуская думка. – 2014. – № 7. – С. 83–89.

4. Малянтовіч Павел Мікалаевіч // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 188.

5. Малянтович Павел Николаевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 103.

6. Подлипский, А. Парадоксы судьбы Павла Малянтовича / А. Подлипский // Витебские вести. – 2018. – 11 авг. – С. 10.

7. Подлипский, А. Расстрелян за то, что хотел арестовать Ленина / А. Подлипский // Витебский проспект. – 2010. – 19 авг. – С. 6.