Маркоўскі Уладзімір Іванавіч нарадзіўся 27 лістапада 1913 года ў Віцебску ў сям'і чыгуначніка. Ваенны дзеяч.

Пасля заканчэння школы працаваў цесляром, муляром, памочнікам майстра.

У 1932 годзе скончыў Ленінградскі горны тэхнікум, у 1937 годзе – Ленінградскае вышэйшае ваенна-марское вучылішча імя М. В. Фрунзэ. У 1937–1938 гг. праходзіў службу на Ціхаакіянскім флоце камандзірам баявой часці падводнай лодкі «Щ-110» 2-й марской брыгады. У 1939 годзе скончыў акадэмічныя курсы камсаставу і працягваў службу на Дальнім Усходзе: камандзір баявой часці, штурман дывізіі (1939–1940), флагштурман (1940–1943), начальнік штаба 3-га дывізіёна ТКА (1943–1944), афіцэр-аператар штаба брыгады ТКА, начальнік штаба (1944), 2-га дывізіёна (1944–1947) 1-й БТКА Ціхаакіянскага флоту.

Удзельнік руска-японскай вайны (1945).

З 1954 года служыў у Порт-Артуры, потым – на Паўночным флоце. У 1961 годзе прымаў удзел у выпрабаваннях ядзернай зброі на архіпелагу Новая зямля. У 1962–1972 гг. В. І. Маркоўскі – камандзір 1-га вучэбнага атрада ВМФ СССР у Пінску.

Званне «контр-адмірал» У. І. Маркоўскаму было прысвоена 27 жніўня 1957 года.

У снежні 1973 года звольнены ў запас.

Узнагароджаны ордэнамі Леніна, Айчыннай вайны I ступені, Карэйскай Народна-Дэмакратычнай Рэспублікі, Чырвонага Сцяга (2), Чырвонай Зоркі (3), медалямі.

Памёр Уладзімір Іванавіч 20 снежня 1986 года.

ЛІТАРАТУРА

1. Ермоленко, В. Адмиралы-белорусы Великой Отечественной / В. Ермоленко // Гiсторыя: праблемы выкладання. – 2007. – № 7. – С. 57–58.

2. Марковский Владимир Иванович // Адмиралы земли белорусской / Б. Д. Долготович. – Минск : Технопринт, 2004. – С. 30.

3. Марковский Владимир Иванович // Адмиралы земли белорусской : биографический справочник / Б. Д. Долготович ; под ред. А. А. Римашевского. – Минск : Беларусь, 2009. – С. 26.

4. Марковский Владимир Иванович // Военачальники земли белорусской : энциклопедический справочник / Б. Д. Долготович. – Минск : БелЭн, 2005. – С. 92.

5. Марковский Владимир Иванович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 106–107.

6. Маркоўскі Уладзімір Іванавіч // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 189–190.

7. Маркоўскі Уладзімір Іванавіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Віцебская абласная друкарня, 2007. – С. 111–112.

СПАСЫЛКІ

 Белорусский союз военных моряков – контр-адмирал Марковский Владимир Иванович