Маслюк Валерый Васільевіч нарадзіўся 30 сакавіка 1953 года ў в. Ропна Полацкага раёна, беларускі рэжысёр, тэатральны дзеяч.

Закончыў Ушацкую сярэднюю школу, Беларускі тэатральна-мастацкі інстытут (1979). У 1979–1981, 1997–2001 гг. працаваў у тэатры імя Якуба Коласа рэжысёрам-пастаноўшчыкам, 1993–1997 гг. – мастацкім кіраўніком. Узначальваў Магілёўскі абласны драматычны тэатр (1981–1983), Рускі тэатр імя М. Горкага (1983–1992).

Асноўныя спектаклі на коласаўскай сцэне: «Брыльянт» Е. Пшэздзецкага (1979), «Клеменс» К. Саі (1980), «Стары дом» А. Казанцава (1980), «Закон вечнасці» Н. Думбадзе (1981), «Кароль Лір» У. Шэкспіра (1994), «Жаніцьба» М. Гогаля (1996), «Сола для гадзінніка з боем» О. Заградніка (1998), «Пакахай мяне, салдацік» В. Быкава (1997). У Магілёўскім тэатры: «Візіт дамы» («Візіт старой дамы») Ф. Дзюрэнмата (1981), «Каханне, джаз і чорт» Ю. Грушаса, «Тутэйшыя» паводле твораў Я. Купалы, «А хтосьці выпаў з гнязда» паводле Д. Васэрмана (1982), «Судны дзень» паводле аповесці «Суд у Слабадзе» В. Казько (1982). «Гамлет» У. Шэкспіра, «Усё ў садзе» Э. Олбі, «Бабскае царства» Ю. Нагібіна (1984), «Знак бяды» паводле В. Быкава (1985; Дзяржаўная прэмія Беларусі, 1986) і іншыя ў Дзяржаўным рускім тэатры.

Аўтар п'ес: «Вялікая сумная рыбіна, якая чакае», «Пад сонцам», «Пакацігарошак». Аўтар зборнікаў вершаў «Сцяжына» (1983), кнігі «Я успею, я всё успею...» (2002).

Памёр Валерый Васільевіч 26 жніўня 2001 года.

ЛІТАРАТУРА

1. Аляксеева, Т. У. Жанрава стылёвая адметнасць драматургіі Віцебшчыны / Т. У. Аляксеева // Ученые записки УО «ВГУ им. П. М. Машерова» : сборник научных трудов / редкол.: А. П. Солодков [и др.]. – Витебск, 2009. – Т. 9. – С. 53–62.

2. Варатынская, Г. Глыбокі след / Г. Варатынская // Патрыёт (Ушачы). – 2008. – 22 сак. – С. 2.

3. Іваноўскі, Ю. Боль працінаў сэрца... / Ю. Іваноўскі // Латаратура і мастацтва. – 2003. – 18 крас. – С. 10.

4. Маслюк Валерый Васильевіч // Памяць: Полацкі раён : гісторыка-дакументальныя хронікі гарадоў і раёнаў Беларусі / рэдкал.: І. Б. Каросцік, Р. І. Маслоўскі, А. Л. Петрашкевіч ; уклад. С. С. Чарняўская ; мастак Э. Э. Жакевіч. – Мінск : Вышэйшая школа, 1999. – С. 643.

5. Рублеўскі, С. «Я паспею...» / С. Рублеўскі // Народнае слова. – 2002. – 6 крас. – С. 8.

6. Творчыя партрэты рэжысёраў Нацыянальнага акадэмічнага драматычнага тэатра імя Якуба Коласа / Уклад. А. Ганчароў, Л. Грамыка, С. Дашкевіч. – Мінск : Альтыёра, 2000. – С. 19–23.

7. Тихомирова, Н. «Побольше бы Бога в Храме искусства!» : к 55-летию со дня рождения Валерия Маслюка / Н. Тихомирова // Сцяг Перамогі (Лёзна). – 2008. – 29 сак. – С. 2.