Афганистан. Без права на забвение

Афганистан. Без права на забвение

Афганистан. Без права на забвение

Художники Витебщины

Художники Витебщины

Художники Витебщины

Мастыка Рыгор Сцяпанавіч

Дата нараджэння
21.11.1912
Месца нараджэння
Віцебская вобласць, Віцебскі раён, в. Істоміна
Дата смерці
12.01.1992
Род дзейнасці
ветэрынарны ўрач
Узнагароды і прэміі
ордэн Айчыннай вайны ІІ ступені
ордэн Чырвонай Зоркі
медаль «За абарону Сталінграда»

Мастыка Рыгор Сцяпанавіч нарадзіўся 21 лістапада 1912 года ў в. Істоміна Віцебскага раёна. Доктар ветэрынарных навук (1962), прафесар (1963), заслужаны дзеяч навукі БССР.

Скончыў Віцебскі ветэрынарны інстытут (1939). З 1933 г. працаваў ветфельчарам саўгаса «Барвінскі» Арлоўскай вобласці. З 1939 г. асістэнт кафедры аперацыйнай хірургіі, ветурач вучгаса Куйбышаўскага сельгасінстытута. У 1942–1946 гг. у Савецкай Арміі начальнік хірургічнага аддзялення армейскага ветлазарэта, хірург ветаддзела Беламорскай ваеннай акругі. З 1946 г. у Віцебскім ветэрынарным інстытуце – асістэнт кафедры нармальнай анатоміі сельгасжывёлы, асістэнт кафедры агульнай і прыватнай хірургіі.

Аўтар больш за 60 навуковых работ, якія прысвечаны вывучэнню відавой рэакцыйнасці арганізма сельгасжывёлы, распрацовак найбольш рацыянальных метадаў лячэння закрытых і адкрытых запаленчых працэсаў. Сааўтар падручніка «Прыватная хірургія», аўтар многіх артыкулаў для ветэрынарнай энцыклапедыі, манаграфій «Парады жывёлаводу і ветспецыялісту», «Асептычнае і септычнае запаленне» і інш.

Памёр 12 студзеня 1992 года.

Узнагароджаны ордэнамі Айчыннай вайны ІІ ступені, Чырвонай Зоркі, медалём «За абарону Сталінграда».

 

ЛІТАРАТУРА

1. Мастыка Рыгор Сцяпанавіч // Памяць: Віцебскі раён : гісторыка-дакументальныя хронікі гарадоў і раёнаў Беларусі / рэдкал.: А. П. Красоўскі [і інш.] ; уклад. У. І. Мезенцаў ; мастак Э. Э. Жакевіч. – Мінск : Мастацкая літаратура, 2004. – С. 697.