Мажэйка Зінаіда Якаўлеўна нарадзілася 6 снежня 1933 года ў Оршы, беларускі этнамузыказнаўца. Доктар мастацтвазнаўства (1992). Заслужаны дзеяч мастацтваў Беларусі (1987). У 1961 г. скончыла Беларускую кансерваторыю. 3 1962 г. у Інстытуце мастацтвазнаўства, этнаграфіі і фальклору НАН Беларусі. Працуе ў галіне тэарэтычнай этнамузыкалогіі і практычнай фалькларыстыкі.

Асноўныя даследаванні прысвечаны сістэмнай тыпалогіі беларускага песеннага фальклору, яго арэальным і сацыялагічным аспектам. Аўтар прац: «Песенная культура беларускага Палесся» (1971), «Песні беларускага Паазер'я» (1981), «Каляндарна-песенная культура Беларусі: Вопыт сістэмна-тыпалагічнага даследавання» (1985), «Вяселле: Мелодыі» (1990, у сааўт.) і інш.

Арганізатар музычна-этнаграфічных канцэртаў, падрыхтавала грампласцінкі, у тым ліку «Музычны фальклор беларускага Палесся» (Гран-пры ЮНЕСКА 1988 г.), распрацоўвае праграмы аўдыёвізуальнай антрапалогіі (сцэнарыі 6 музычна-этнаграфічных фільмаў).

Дзяржаўная прэмія Беларусі 1994 г.

ЛІТАРАТУРА

1. Дарашэвіч, Э. In memoriam Зінаіды Мажэйкі / Э. Дарашэвіч // Краязнаўчая газета. – 2015. – № 13 (крас.). – С. 2.

2. Душа не ведае спакою // Вёрсты пройдзеных дарог / І. А. Яршоў, В. М. Сіднякова. – Магілёў : Магілёўская друкарня, 2003. – С. 218–223.

3. Завадская, И. Аутентичная личность / И. Завадская // Советская Белоруссия. – 2014. – 13 сент. – С. 15.

4. Мажэйка Зінаіда Якаўлеўна // Беларуская энцыклапедыя : у 18 т. / рэдкал.: Г. П. Пашкоў (гал. рэд.) [і інш.]. – Мінск : БелЭн, 1999. – Т. 9 : Кулібін–Малаіта. – С. 502.

5. Мажэйка Зінаіда Якаўлеўна // Памяць: Орша. Аршанскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў (гал. рэд.) [і інш.] ; склад. Т. Г. Ігнацьева [і інш.] ; мастак Э. Э. Жакевіч. – Мінск : БелЭн, 2000. – Кн. 2. – С. 435.

6. Можейко Зинаида Яковлевна // Регионы Беларуси : энциклопедия : в 7 т. / редкол.: Т. В. Белова (гл. ред.) [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 142–143.

7. Яршоў, І. Душа не ведае спакою / І. Яршоў // Аршанская газета. – 2002. – 29 студз. – С. 2

8. Можейко Зинаида Яковлевна // Республика Беларусь : энциклопедия : в 7 т. / редкол.: Г. П. Пашков (гл. ред.) [и др.]. – Минск : БелЭн, 2007. – Т. 5 : Минск–Педиатрия. – С. 177.