Мельнікава Зоя Пятроўна нарадзілася 25 верасня 1954 года ў в. Навасёлкі Докшыцкага раёна. Беларускі літаратуразнавец. Доктар філалагічных навук, дацэнт, прафесар кафедры беларускага літаратуразнаўства; выдатнік адукацыі Рэспублікі Беларусь (2014). Скончыла Полацкае педвучылішча (1973), БДУ (1981). Працавала настаўніцай ў Астроўшчынскай (Полацкі раён) і Лошніцкай (Барысаўскі раён) сярэдніх школах. 3 1984 года ў Брэсцкім педінстытуце (цяпер Брэсцкі дзяржаўны ўніверсітэт). У 1986 годзе стала кандыдатам філалагічных навук. Працавала асістэнтам (1985–1986), старшым выкладчыкам (1986–1987), дацэнтам (1987–1994) кафедры беларускай літаратуры, (1994-2003) кафедры беларускага літаратуразнаўства; загадчыкам (2003–2004; 2007–2013) кафедры беларускага літаратуразнаўства. Дэкан (2004–2007) філалагічнага факультэта.

Даследуе гісторыю літаратуры, сучасную беларускую прозу і паэзію, літаратуру Берасцейшчыны. Аўтар манаграфіі «На горне душы...» (2001), вучэбных дапаможнікаў для студэнтаў гуманітарных факультэтаў ВНУ, адзін з аўтараў праграмы і падручнікаў для агульнаадукацыйных школ «Родная літаратура» (для 5 і 6 класаў), «Беларуская літаратура» (для 10 і 11 класаў).

ЛІТАРАТУРА

1. Мельнікава Зоя Пятроўна // Памяць: Докшыцкі раён : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.] ; уклад. А. В. Скараход ; мастак Э. Э. Жакевіч. – Мінск : БелЭн, 2004. – С. 633–634.