Міхайлаў Анатоль Мікалаевіч нарадзіўся 3 лістапада 1936 года ў в. Індыкава Віцебскага раёна. Доктар медыцынскіх навук (1974), член-карэспандэнт НАН Беларусі.

У 1961 г. скончыў Віцебскі медыцынскі інстытут, працаваў намеснікам галоўнага ўрача Іванаўскай раённай бальніцы Брэсцкай вобласці, урачом-эпідэміёлагам Бярэзінскай райбальніцы, урачом-рэнтгенолагам бальніцы ст. Гомель. З 1966 г. у Беларускім дзяржаўным інстытуце ўдасканалення ўрачоў – аспірант, асістэнт, загадчык кафедры рэнтгеналогіі і прамянёвай дыягностыкі.

Аўтар 200 навуковых работ, 15 манаграфій, у тым ліку: «Рэнтгенадыягнастычны атлас», «Рэнтгенасеміётыка хвароб чалавека» і інш.

Узнагароджаны залатым медалём Міжнароднага біяграфічнага цэнтра (Кембрыдж, Англія, 1997), лаўрэат Дзяржаўнай прэміі Рэспублікі Беларусь (1992), увайшоў у лік выдатных сусветных лідэраў навукі (АБІ, ЗША, 1997), член Еўрапейскай асацыяцыі радыёлагаў і прамянёвых дыягностаў.

ЛІТАРАТУРА

1. Міхайлаў Рыгор Сцяпанавіч // Памяць: Віцебскі раён : гісторыка-дакументальныя хронікі гарадоў і раёнаў Беларусі / рэдкал.: А. П. Красоўскі [і інш.] ; уклад. У. І. Мезенцаў ; мастак Э. Э. Жакевіч. – Мінск : Мастацкая літаратура, 2004. – С. 697.

2. Михайлов Анатолий Николаевич // Ученые-уроженцы Витебщины – для инновационной Беларуси / А. В. Русецкий, Н. К. Толочко. – Витебск, 2007. – С. 90–92.