Паўлава Маіна Пятроўна – беларускі вучоны ў галіне педыятрыі і гематалогіі. Кандыдат медыцынскіх навук (1960), доктар медыцынскіх навук (1972), прафесар (1976).

Нарадзілася 29 красавіка 1929 года ў в. Падмішнеўе Шумілінскага раёна.

Скончыла сярэднюю школу (1948), Мінскі медыцынскі інстытут (1953), аспірантуру пры кафедры дзіцячых хвароб Мінскага медыцынскага інстытута (1959).

У 1953–1957 гг. працавала педыятрам у г. Мінску.

У 1959–1960 гг. – старшы навуковы супрацоўнік лабараторыі кафедры па вывучэнні мікраэлементаў, у 1960–1969 гг. – асістэнт кафедры, у 1969–1975 гг. – дацэнт кафедры, з 1975 года – прафесар 3-й кафедры дзіцячых хвароб, з 1986 года – загадчыца курса гематалогіі пры 3-й кафедры дзіцячых хвароб Мінскага медыцынскага інстытута.

У 1976–1989 гг. – старшыня педагагічнага грамадства інстытута.

У 1979–1989 гг. – галоўны дзіцячы гематолаг Міністэрства аховы здароўя БССР.

Удзельнічала ў ліквідацыі вынікаў аварыі на Чарнобыльскай АЭС, за ўдзел у эвакуацыі дзяцей у 1986 годзе ўзнагароджана ордэнам.

Аўтар больш за 70 навуковых прац, сярод якіх: кандыдацкая дысертацыя «Кобальт, нікель, медзь і цынк у трубчастых касцях плода чалавека» (1960), доктарская дысертацыя «Функцыя натуральнай радыеактыўнасці ў генезе лейкозаў чалавека» (1969), манаграфія «Лейкозы ў дзяцей» (1981), «Дапаможнік па гематалагічных хваробах у дзяцей» (1988), метадычная распрацоўка «Гематалагічныя захворванні ў дзяцей» (1986), вучэбны дапаможнік «Гематалагічныя хваробы ў дзяцей» (1996).

ЛІТАРАТУРА

1. Паўлава Маіна Пятроўна // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2001. – Т. 12 : Палікрат–Праметэй. – С. 202.

СПАСЫЛКІ

 Павлова Майя (Майна) Петровна. Белорусский государственный медицинский университет