Паўловіч Мікалай Браніслававіч нарадзіўся 15 ліпеня 1897 года ў в. Мазурына Шумілінскага раёна. Контр-адмірал (1944). Кандыдат ваенна-марскіх навук (1942), прафесар (1951).

Скончыў Марскі корпус у Петраградзе (1917). Служыў на караблях Балтыйскага флоту, камандаваў тральшчыкам, эсмінцамі.

3 1931 года выкладаў у Ваенна-марской акадэміі.

У гады савецка-фінскай вайны 1939–1940 гг. – намеснік камандзіра і начальнік штаба атрада асобага прызначэння Балтыйскага флоту.

3 мая 1941 года – начальнік кафедры Ваенна-марской акадэміі.

Падчас Петсама-Кіркенескай аперацыі (1944) – начальнік паходнага штаба камандуючага Паўночным флотам. 3 1954 года – у адстаўцы.

Аўтар прац пераважна па тактыцы ВМФ, у тым ліку падручнікаў для ваенна-марскіх навучальных устаноў, двухтомнай кнігі «Флот у Першай сусветнай вайне» (1964), «Савецкае ваенна-марское майстэрства ў Вялікай Айчыннай вайне» (1973).

Узнагароджаны ордэнам Леніна, ордэнамі Чырвонага Сцяга (двойчы), Чырвонай Зоркі (двойчы) і медалямі.

Памёр 26 чэрвеня 1973 года.

ЛІТАРАТУРА

1. Далгатовіч, Б. Д. Паўловіч Мікалай Браніслававіч / Б. Д. Далгатовіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2001. – Т. 12 : Палікрат–Праметэй. – С. 207.

2. Ермоленко, В. Адмиралы-белорусы Великой Отечественной / В. Ермоленко // Гiсторыя: праблемы выкладання. – 2007. – № 7. – С. 57–58.

3. Павлович Николай Брониславович // Адмиралы земли белорусской / Б. Д. Долготович ; под ред. А. А. Римашевского. – Минск : Беларусь, 2009. – С. 29–31.

4. Павлович Николай Брониславович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 275.

5. Павлович Николай Брониславович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн, 2007. – Т. 5 : Минск–Педиатрия. – С. 678.

6. Паўловіч Мікалай Браніслававіч // Беларуская Савецкая Энцыклапедыя : [у 12 т.] / рэдкал.: П. У. Броўка [і інш.]. – Мінск : БелСЭ, 1975. – Т. VIII : Паддубнікі–Рабкі. – С. 332.

7. Паўловіч Мікалай Браніслававіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Витебская областная типография, 2007. – С. 127–128.