Папкоў Міхаіл Пятровіч
Папкоў Міхаіл Пятровіч нарадзіўся 20 лютага 1902 года ў Віцебску. Ваенны дзеяч.
Скончыў пачатковую яўрэйскую школу, працаваў на фабрыцы.
З 1919 года – у Чырвонай Арміі. Удзельнік грамадзянскай вайны (1919–1922): чырвонаармеец, палітрук роты. Скончыў ваенна-палітычную школу. Быў інструктарам палітаддзела дывізіі, камісарам палка.
У 1936 годзе скончыў Ваенна-хімічную акадэмію, служыў начальнікам аддзела хімічнага ўпраўлення Чырвонай Арміі. У 1940 годзе скончыў Ваенную акадэмію Генеральнага штаба. З 1940 года – ваенны камісар штаба Закаўказскай ваеннай акругі.
У гады Вялікай Айчыннай вайны на франтах: начальнік тылу арміі, потым начальнік штаба тылу Закаўказскага фронту.
Званне «генерал-маёр» М. П. Папкову было прысвоена 20 снежня 1943 года.
Пасля вайны – намеснік начальніка тылу Уральскай ваеннай акругі, начальнік тылу механізаванай арміі. З 1950 года – начальнік ваеннай кафедры Грозненскага нафтавага інстытута.
У 1959 годзе звольнены ў запас.
Узнагароджаны ордэнамі Леніна, Айчыннай вайны II ступені, Чырвонай Зоркі, Багдана Хмяльніцкага II ступені, Чырвонага Сцяга (3), медалямі.
Памёр Міхаіл Пятровіч 9 сакавіка 1980 года.
ЛІТАРАТУРА
1. Попков Михаил Петрович // Военачальники земли белорусской : энциклопедический справочник / Б. Д. Долготович. – Минск : БелЭн, 2005. – С. 211–212.
СПАСЫЛКІ
