Піманаў Сяргей Іванавіч нарадзіўся 7 мая 1956 года ў Віцебску. Вучоны ў галіне ўнутраных хвароб. Доктар медыцынскіх навук, прафесар.

У 1979 годзе скончыў Віцебскі медыцынскі інстытут. У 1979–1981 гг. праходзіў навучанне на кафедры прапедэўтыкі ўнутраных хвароб, потым працаваў на кафедры шпітальнай тэрапіі. У 1986 годзе пачаў працаваць асістэнтам кафедры шпітальнай тэрапіі.

З 2001 года – загадчык кафедры тэрапіі Віцебскага дзяржаўнага медыцынскага ўніверсітэта. У 2007 годзе быў пераведзены на пасаду прафесара кафедры тэрапіі факультэта ўдасканалення ўрачоў. Зараз працуе загадчыкам кафедры тэрапіі № 2 факультэта павышэння кваліфікацыі і перападрыхтоўкі кадраў Віцебскага дзяржаўнага медыцынскага ўніверсітэта.

Навуковыя працы прысвечаны тэме ультрагукавой дыягностыкі, гастраэнтэралогіі.

Сяргей Іванавіч Піманаў – лаўрэат прэміі Ленінскага камсамола Беларусі, узнагароджаны знакамі «Выдатнік аховы здароўя» і «Вынаходнік СССР».

ЛІТАРАТУРА

1. Піманаў Сяргей Іванавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2001. – Т. 12 : Палікрат–Праметэй. – С 360.

2. Піманаў Сяргей Іванавіч // Памяць: Віцебск : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад. А. І. Мацяюн ; мастак Э. Э. Жакевіч. – Мінск : БелЭн, 2003. – Кн. 2. – С. 534.

СПАСЫЛКІ

 Витебский государственный медицинский университет – Пиманов Сергей Иванович