Пінсон Барыс Давыдавіч
Пінсон Барыс Давыдавіч нарадзіўся ў 1892 годзе ў Віцебску ў сям'і краўца. Дзяржаўны і партыйны дзеяч.
Скончыў 3-класнае вучылішча. Працаваў слесарам. З 1907 года – член РСДРП.
У 1913 годзе за рэвалюцыйную дзейнасць быў асуджаны і высланы на пасяленне ў Сібір.
3 чэрвеня 1917 года знаходзіўся ў Віцебску, член гаркама партыі, выбіраўся яго старшынёй, у кастрычніку 1917 года – член Віцебскага ВРК, член губкама РСДРП(б). У пачатку 1918 года знаходзіўся ў Маскве, член УЦВК. У маі 1918 года быў камандзіраваны на Каўказ, дзе праводзіў работу па арганізацыі атрадаў Чырвонай Арміі. У 1919 годзе працаваў у Маскоўскім рабочым кааператыве, прыязджаў у Віцебск як прадстаўнік ЦК РКП(б) і УЦВК.
У 1921 годзе – адказны сакратар Віцебскага губернскага камітэта РКП(б), у 1923 годзе – загадчык агітацыйна-прапагандысцкага аддзела Сібірскага бюро ЦК РКП(б), у 1923–1924 гг. – адказны сакратар татарскага абласнога камітэта РКП(б), у 1934–1936 гг. – старшы інспектар інспекцыі Саюзнафтазбыту Народнага камісарыята цяжкай прамысловасці СССР, інспектар Казкрайнафтазбыту.
У маі 1936 года быў арыштаваны за контррэвалюцыйную дзейнасць. 23 лістапада 1936 года быў расстраляны.
14 лістапада 1957 года Барыс Давыдавіч Пінсон быў пасмяротна рэабілітаваны.
ЛІТАРАТУРА
1. Пінсон Барыс Давыдавіч // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 222.
2. Пінсон Барыс Давыдавіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Віцебская абласная друкарня, 2007. – С. 131.
3. Пінсон Барыс Давыдавіч // Памяць: Віцебск : гісторыка-дакументальныя хронікі гарадоў і раёнаў Беларусі : у 2 кн. / рэдкал.: Г. П. Пашкоў [і інш.] ; склад. А. І. Мацяюн ; мастак Э. Э. Жакевіч. – Мінск : БелЭн, 2003. – Кн. 2. – С. 534.
4. Пинсон Борис Давидович // Беларусь: созвездие политических имен : историко-биографический справочник / Э. А. Корнилович. – Минск : ФУАинформ, 2009. – С. 166–167.
5. Пинсон Борис Давидович // Витебская губерния: политические портреты в документах и материалах. 1917–1924 гг. / [сост.: Н. В. Воронова и др.]. – Витебск : Витебская областная типография, 2016. – С. 145–151.
СПАСЫЛКІ
