Пруднік Іван Васілевіч нарадзіўся 15 сакавіка 1944 года ў в. Ліпск Докшыцкага раёна. Беларускі сацыёлаг. Кандыдат філасофскіх навук (1971). Скончыў Мінскі дзяржаўны педінстытут замежных моў (1965). Працаваў настаўнікам нямецкай і англійскай моў у Вялікалятчанскай школе-інтэрнаце (Віцебскі раён), Бярэзінскай сярэдняй школе (Докшыцкі раён). 3 1970 г. малодшы, з 1972 г. старшы, з 1994 г. вядучы навуковы супрацоўнік Інстытута філасофіі і права Нацыянальнай АН Беларусі.

Даследаваў працэсы сацыяльна-культурнага і эканамічнага развіцця вёскі, сельскагаспадарчай інтэграцыі ў Заходняй Еўропе, праблемы, фактары і ўмовы стабілізацыі беларускага грамадства на пачатках сацыяльнай справядлівасці і інш. Аўтар манаграфіі «Сацыяльнае становішча сялянства ФРГ» (1973), раздзелаў у калектыўных працах «Рабочы клас у структуры сельскага насельніцтва» (1975), «Сацыяльныя змены ў сучасным сяле» (1978), «Міжгаспадарчае каапераванне і сацыяльныя змены ў вёсцы» (1980) і інш.

Памёр Іван Васілевіч Пруднік 12 красавіка 1997 года.

ЛІТАРАТУРА

1. Пруднік Іван Васілевіч // Памяць: Докшыцкі раён : гісторыка-дакументальныя хронікі гарадоў і раёнаў Беларусі / рэдкал.: Г. П. Пашкоў [і інш.] ; уклад. А. В. Скараход ; мастак Э. Э. Жакевіч. – Мінск : БелЭн, 2004. – С. 635–636.