Путаў Валерый Уладзіміравіч нарадзіўся 2 студзеня 1954 года ў п. Коханава Талачынскага раёна, савецкі, расійскі ваеннаслужачы.

Скончыў Вышэйшае памежнае ваенна-палітычнае Чырванасцяжнае вучылішча КДБ пры Савеце Міністраў СССР імя К. Е. Варашылава (1975), ваенную акадэмію імя М. В. Фрунзе (1984), акадэмію Генеральнага штаба РФ (1998).

Служыў у Забайкальскай памежнай акрузе, у Кокуйскім памежным атрадзе (старшым афіцэрам штаба).

З 1984 года – начальнік штаба Градзякоўскага памежнага атрада, затым – начальнік Скавародзінскага памежнага атрада.

З 1993 года – намеснік начальніка штаба Упраўлення групы пагранічных войск Расіі ў Рэспубліцы Кіргізія, затым – намеснік камандуючага войскамі Забайкальскай пагранічнай акругі.

Займаў пасады начальніка Забайкальскага рэгіянальнага ўпраўлення, начальніка штаба Паўночна-Каўказскага рэгіянальнага ўпраўлення Федэральнай памежнай службы Расіі (з 2000 года).

Кіраваў у Чачні аперацыямі супраць банды Гелаева (2000), а таксама супраць банды брыгаднага генерала Хусэйна Ісабаева (2002).

З чэрвеня 2003 года – генерал-лейтэнант.

З 2003 года ўзначальваў Паўночна-Усходняе памежнае ўпраўленне берагавой аховы ФСБ РФ, у 2006–2009 гг. – Рэгіянальнае памежнае ўпраўленне ФСБ Расіі па Далёкаўсходняй федэральнай акрузе.

З 2011 года – віцэ-прэзідэнт ТАА «Аналітык груп».

Член Саюза журналістаў Расіі, аўтар артыкулаў і кніг пра жыццё пагранічнікаў.

Удастоены ганаровага звання «Заслужаны пагранічнік Расіі».

Узнагароджаны ордэнамі Чырвонай Зоркі (1991) і «За ваенныя заслугі», медалямі «За баявыя заслугі» (1979) і «За адзнаку ў ахове дзяржаўнай мяжы», імянной агнястрэльнай зброяй.

СПАСЫЛКІ

 Большая биографическая энциклопедия «Академик». Путов Валерий Владимирович 

 Генерал-полковник Путов Валерий Владимирович 

 Депутатские Дела: информационно-политический портал России. Путов Валерий Владимирович