Радкевіч Анатоль Іванавіч нарадзіўся 13 лістапада 1898 года ў Віцебску. Вучоны ў галіне энтамалогіі. Дацэнт. Удзельнік грамадзянскай і Вялікай Айчыннай войнаў.

У 1923 годзе скончыў Віцебскі інстытут народнай адукацыі. У 1930–1933 гг. працаваў у Віцебскім ветэрынарным інстытуце. З 1935 года – у Віцебскім педагагічным інстытуце. У 1946–1979 гг. – загадчык кафедры заалогіі педінстытута.

Навуковыя працы па вывучэнні тэарэтычных і практычных асноў шаўкаводства на Беларусі, вывучэнні фаўны стракоз, цвёрдакрылых і лускакрылых, селекцыі і міжпародным скрыжаванні трусоў, методыцы выкладання біялогіі.

Узнагароджаны ордэнам Чырвонай Зоркі, медалямі.

Памёр Анатоль Іванавіч 8 мая 1977 года.

ЛІТАРАТУРА

1. Дарафееў, А. М. Радкевіч Анатоль Іванавіч / А. М. Дарафееў // Беларуская Савецкая Энцыклапедыя : [у 12 т.] / рэдкал.: П. У. Броўка [і інш.]. – Мінск : БелЭн, 1973. – Т. IX: Рабкор–Сочы. – С. 31.

2. Радкевіч Анатоль Іванавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2001. – Т. 13 : Праміле–Рэлаксін. – С. 222.