Радзецкі Яўген Іванавіч нарадзіўся 10 жніўня 1932 года ў в. Яблынька Талачынскага раёна, партыйны дзеяч Беларусі.

Скончыў Беларускую сельскагаспадарчую акадэмію (1956), Вышэйшую партыйную школу пры ЦК КПСС (1974).

З 1956 працаваў у Полацкім раёне, з 1959 года – у Віцебскім абласным меліярацыйным трэсце, з 1960 года – у Віцебскім абкаме КПБ.

З 1965 года – начальнік Лепельскага раённага вытворчага ўпраўлення сельскай гаспадаркі.

З 1967 года – першы сакратар Сенненскага райкама КПБ, з 1976 – у ЦК КПБ.

З 1977 года – сакратар, з 1978 – другі сакратар Віцебскага абкама КПБ.

Быў членам Рэвізійнай камісіі КПБ (1976–1981), членам ЦК КПБ (1981–1990), членам Кантрольнай камісіі КПБ (1990–1991)

Выбіраўся дэпутатам Вярхоўнага Савета БССР у 1980-1993 гг. (з 1991 года – Рэспублікі Беларусь).

ЛІТАРАТУРА

1. Фалей, Е. С. Радецкий Евгений Иванович / Е. С. Фалей // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 392.