Русецкі Вікенцій Данатавіч нарадзіўся 23 сакавіка 1897 года ў в. Кавалеўшчына Верхнядзвінскага раёна.

З 1913 года працаваў на чыгунцы. Удзельнік грамадзянскай вайны. Генерал-маёр (1946). У Чырвонай Арміі з красавіка 1919 года. На Заходнім, Паўночна-Заходнім, Паўднёвым франтах – камандзір роты, батальёна. Удзельнік баёў у раёне Полацка, Маладзечна, Бабруйска, Беластока.

З 1921 года начальнік штаба, камандзір палка. Скончыў курсы «Выстрал» (1936), вучыўся ў Ваеннай акадэміі імя М. В. Фрунзе (1939–1941). У Айчынную вайну камандзір запаснога палка, брыгады.

Узнагароджаны ордэнамі і медалямі.

ЛІТАРАТУРА

1. Русецкі Вікенцій Данатавіч // Беларуская Савецкая Энцыклапедыя : у 12 т. / рэдкал.: П. У. Броўка [і інш.]. – Мінск, 1973. – Т. 9 : Рабкор–Сочы. – С. 184–185.

2. Русецкі Вікенцій Данатавіч // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 238.

3. Русецкі Вікенцій Данатавіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Віцебская абласная друкарня, 2007. – С. 140.

4. Русецкі Вікенцій Данатавіч // Памяць: Верхнядзвінскі раён : гісторыка-дакументальныя хронікі гарадоў і раёнаў Беларусі : у 2 кн. / рэдкал.: У. С. Богаў [і інш.] ; уклад. А. Ф. Бубала ; мастак Э. Э. Жакевіч. – Мінск : Паліграфафармленне, 2000. – Кн. 2. – С. 41.

5. Свекла, В. Полководцы – наши земляки / В. Свекла // Дзвінская праўда (Верхнядзвінск). – 2014. – 4 сак. – С. 3.