Рыжыкаў (Рыжкоў) Іосіф Іванавіч – партыйны і дзяржаўны дзеяч Беларусі, адзін з арганізатараў і кіраўнікоў партызанскага руху ў гады Вялікай Айчыннай вайны.

Нарадзіўся 2 верасня 1893 года ў в. Рацава Талачынскага раёна.

Скончыў земскае чатырохгадовае вучылішча, якое знаходзілася ў Барках.

Жыў у Рызе. Там працаваў на Руска-балтыйскім гарбарным заводзе, потым на дрэва-апрацоўчым заводзе «Патэмпа».

З 1914 года – у царскай арміі.

Быў курсантам ваеннай школы аўтамабілістаў (Петраград).

Ваяваў за цара на Заходнім фронце. Удзельнічаў у баях пад Перамышлем, Варшавай, Люблінам, Баранавічамі.

2 жніўня 1917 года I. I. Рыжыкаву ўручылі партыйны білет.

У 20-я гг. плённа працаваў у партыйных арганізацыях Барысаўскага лесапільнага завода, запалкавай фабрыкі «Бярэзіна».

У 1934–1937 гг. – член парткалегіі Камісіі партыйнага кантролю пры ЦК ВКП(б) па БССР.

З 1937 года – наркам лясной прамысловасці БССР.

3 1939 года – першы сакратар Гродзенскага РК КП(б)Б, наркам прамысловасці будматэрыялаў БССР.

У гады Вялікай Айчыннай вайны знаходзіўся ў Маскве, узначальваў Заходнюю аператыўную групу ЦК КП(б)Б і актыўна садзейнічаў развіццю партызанскага руху.

Выбіраўся кандыдатам у члены ЦК КПБ (1932–1934, 1954–1960), членам ЦК КПБ у (1929–1930, 1934–1938, 1952–1954), членам ЦБК БССР (1931–1935), членам Рэвізійнай камісіі КП(б)Б (1949–1952).

У сакавіку 1943 года быў прызначаны намеснікам начальніка Беларускага штаба партызанскага руху і членам Ваеннага савета Калінінскага, 1-га Прыбалтыйскага франтоў.

У 1947–1959 гг. быў дэпутатам Вярхоўнага Савета БССР.

З 1944 года – міністр, з 1953 – першы намеснік міністра жыллёва-грамадзянскага будаўніцтва БССР, гарадскога і сельскага будаўніцтва БССР.

У 1958–1959 гг. – намеснік міністра будаўніцтва БССР.

Памёр 10 снежня 1979 года.

Узнагароджаны ордэнамі Леніна (двойчы), ордэнам Кастрычніцкай рэвалюцыі, іншымі ордэнамі і медалямі.

ЛІТАРАТУРА

1. Иосиф Иванович Рыжиков // Высшее партизанское командование Белоруссии, 1941-1944 / Э. Г. Иоффе [и др.] ; под общ. ред. Э. Г. Иоффе. – Минск : Беларусь, 2009. – С. 51–52.

2. Карніловіч, Э. А. На быстрыні жыцця / Э. А. Карніловіч // Памяць: гісторыка-дакументальная хроніка Талачынскага раёна / рэдкал.: І. П. Шамякін [і інш.] ; мастак А. М. Хількевіч. – Мінск : БелЭн імя П. Броўкі, 1988. – С. 627–628.

3. Корнилович, Э. Сын партизанской республики / Э. Корнилович // Рэспубліка. – 2013. – 28 верас. – С. 6.

4. Рыжиков Иосиф Иванович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2008. – Т. 6 : Пейзаж–Снегирёв. – С. 541–542.

5. Рыжков Иосиф Иванович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 425.

6. Рыжыкаў Іосіф Іванавіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2001. – Т. 13 : Праміле–Рэлаксін. – С. 495.