Саламуха Петр Іванавіч нарадзіўся 16 ліпеня 1942 года ў в. Ляўкоўка Хмяльніцкай вобласці.

У 1968 г. скончыў Сібірскі тэхналагічны інстытут у Краснаярску. Працаваў слесарам Астрапольскай і Стараканстанцінаўскай рамонтна-тэхнічных станцый Міністэрства сельскай гаспадаркі Украінскай ССР, слесарам-мантажнікам Хабараўскага мантажнага ўпраўлення.

З 1968 па 1970 гг. – майстар Камсамольскага мантажнага ўпраўлення трэсту «Дальтэхмантаж». З 1970 г. працуе ў Наваполацку. Быў майстрам, начальнікам аддзела падрыхтоўкі вытворчасці, начальнікам вытворча-тэхнічнага аддзела, намеснікам начальніка ўпраўлення, начальнікам упраўлення Наваполацкага мантажнага ўпраўлення «Нафтазаводмантаж» Міністэрства мантажных і спецыяльных будаўнічых работ СССР.

З 1979 г. – дырэктар Наваполацкага мантажнага спецыялізаванага прадпрыемства «Нафтазаводмантаж» (пасля – генеральны дырэктар ААТ «Нафтазаводмантаж» Міністэрства архітэктуры і будаўніцтва Рэспублікі Беларусь). Унёс вялікі ўклад у вырашэнне важнейшых задач горадабудаўніцтва, у тым ліку ў правядзенне маштабнай мадэрнізацыі і рэканструкцыі ААТ «Нафтан», умацаванне матэрыяльна-тэхнічнай базы НЗМ.

З 2000 па 2004 гг. – член Пастаяннай камісіі Савета Рэспублікі Нацыянальнага сходу Рэспублікі Беларусь па заканадаўстве і дзяржаўным будаўніцтве. У 2004 г. абраны дэпутатам Палаты прадстаўнікоў Нацыянальнага сходу Рэспублікі Беларусь 3-га склікання.

Заслужаны будаўнік Рэспублікі Беларусь. Узнагароджаны Ганаровай граматай Нацыянальнага сходу Рэспублікі Беларусь. У 2003 г. прысвоена званне «Ганаровы грамадзянін горада Наваполацка».

ЛІТАРАТУРА

1. Под огромным чистым небом // Новая газета (Наваполацк). – 2013. – 7 июня. – С. 6.

2. Соломуха, П. И Приватизация без спешки / П. И. Соломуха ; подгот. Н. Конышева // Народнае слова. – 2002. – 23 мая. – С. 3.

3. Соломуха Петр Иванович // Почетные граждане белорусских городов : биографический справочник / Б. Д. Долготович. – Минск : Беларусь, 2008. – С. 92.

4. Соломуха Петр Иванович // Почетные граждане города Новополоцка / [сост. С. Б. Филиппенкова ; ред. совет: Н. М. Марченко, В. К. Мартыненко, М. В. Караваева]. – Новополоцк : ПГУ, 2015. – С. 14.

5. Факеев, В. Жизнь – как песня! / В. Факеев // Новая газета (Наваполацк). – 2012. – 20 июля. – С. 1.