САЛЬНЮЧЭНКА ЯЎГЕН ПАЎЛАВІЧ нарадзіўся 24 студзеня 1945 года ў в. Хоцімка Магілёўскай вобласці.

Пасля заканчэння тэхналагічнага аддзялення Мінскага політэхнічнага тэхнікума (1964) атрымаў спецыяльнасць тэхніка-тэхнолага па перапрацоўцы нафты і газу.

Працаваў памочнікам аператара Куйбышаўскага нафтаперапрацоўчага завода (1962–1964), аператарам Наваполацкага нафтаперапрацоўчага завода (1964), майстрам вытворчага навучання Наваполацкага ПТВ-28.

У 1968 г. паступіў на факультэт тэхналогіі арганічных рэчываў у Беларускі тэхналагічны інстытут ім. С. М. Кірава. З 3-га курса накіраваны ў Вышэйшую тэхнічную школу хіміі ў Мерзебург (ГДР). Атрымаўшы спецыяльнасць інжынера-хіміка-тэхнолага працаваў начальнікам змены Полацкага хімкамбіната (1973–1974).

У 1974 г. перайшоў на партыйную працу інструктарам прамыслова-транспартнага аддзела Наваполацкага гаркама КПБ.

У 1977 г. абраны сакратаром партыйнага камітэта Наваполацкага нафтаперапрацоўчага завода.

У 1981–1983 гг. працаваў другім сакратаром Наваполацкага гаркама КПБ, у 1983–1988 гг.– першым сакратаром Наваполацкага гаркама КПБ. Пасля гэтага быў пераведзены на працу ў апарат ЦК КПСС у Маскве.

З 1997 г. працаваў у сістэме нафтавай кампаніі «Лукойл» – начальнікам упраўлення справамі і кадраў ЗАТ «Лукойл-Нефтегазстрой», у 2006–2007 гг. займаў тую ж пасаду ў ААТ «Гипрокаучук».

Узнагароджаны ордэнам «Знак Пашаны» (1981), юбілейным медалём «Дваццаць гадоў Перамогі ў Вялікай Айчыннай вайне 1941–1945 гг.», бронзавым медалём ВДНГ СССР «За распрацоўку і ўкараненне стандартаў прадпрыемства па сістэме работы з кадрамі, арганізацыі сацыялістычнага спаборніцтва і ідэйна-выхаваўчай працы». У 2012 г. прысвоена званне «Ганаровы грамадзянін горада Наваполацка».

ЛІТАРАТУРА

1. Сольнюченко Евгений Павлович // Почетные граждане города Новополоцка / [сост. С. Б. Филиппенкова ; ред. совет: Н. М. Марченко, В. К. Мартыненко, М. В. Караваева]. – Новополоцк : ПГУ, 2015. – С. 30.

2. Факеев, В. С днем рождения, Евгений Павлович! / В. Факеев // Новая газета (Наваполацк). – 2010. – 23 студз. – С. 2.

3. Факеев, В. Слуга – ЦК, отец – солдатам / В. Факеев // Вестник Нафтана (Новополоцк). – 2010. – 23 янв. – С. 5.

4. Факеев, В. Кто они – первые? / В. Факеев // Новополоцк сегодня. – 2017. – 10 нояб. – С. 2.