Шабашоў Сяргей Міхайлавіч нарадзіўся 1 мая 1923 года ў в. Драгуны Лёзненскага раёна, беларускі палітычны і партыйны дзеяч.

У Вялікую Айчынную вайну быў партызанам брыгады імя А. Ф. Данукалава ў Віцебскай вобласці. З 1944 года – першы сакратар Лёзненскага, Віцебскага РК ЛКСМБ.

У верасні 1950 года С. М. Шабашоў быў накіраваны на курсы пры Цэнтральнай камсамольскай школе ў Маскве. У 1956 годзе скончыў гістарычны факультэт Магілёўскага педагагічнага інстытута, а ў 1961 г. – вышэйшую партыйную школу пры ЦК КПСС.

З 1956 года С. М. Шабашоў займае адказныя пасады – сакратара Акцябрскага РК КПБ г. Віцебска, Езярышчанскага, Кобрынскага РК КПБ. З 1962 года – начальнік Кобрынскага калгасна-саўгаснага ўпраўлення Брэсцкай вобласці, з 1965 года – Брэсцкага абкама КПБ. Працаваў загадчыкам аддзела прапаганды і агітацыі ЦК КПБ. З'яўляўся членам ЦК КПБ у 1961–1965 гг. і ў 1971–1985 гг. З 1971 года – першы сакратар Віцебскага абкама КПБ. У 1971–1975 гг. – дэпутат Вярхоўнага Савета СССР. У 1990 годзе С. М. Шабашоў быў абраны народным дэпутатам БССР ад рэспубліканскай арганізацыі ветэранаў вайны і працы.

За баявыя і працоўныя заслугі перад Радзімай Сяргей Міхайлавіч быў узнагароджаны ордэнамі Леніна, Кастрычніцкай рэвалюцыі, Айчыннай вайны I і II ступеняў, трыма ордэнамі Працоўнага Чырвонага Сцяга, ордэнам «Знак Пашаны», шматлікімі медалямі. У 1995 годзе С. М. Шабашову было прысвоена званне «Ганаровы грамадзянін г. Віцебска».

Памёр Сяргей Міхайлавіч 13 красавіка 2007 года.

ЛІТАРАТУРА

1. Бондарева, Е. Во главе комсомола района / Е. Бондарева // Сцяг Перамогі (Лёзна). – 2018. – 18 верас. – С. 2 ; 25 верас. – С. 3 ; 12 кастр. – С. 6.

2. Дроздова, Н. «Из вихря огненного вальса шагнули в полымя войны...» / Н. Дроздова // Віцьбічы = Витьбичи. – 2003. – 1 мая. – С. 2.

3. Лампицкая, А. Родом из Лиозненщины / А. Лампицкая // Сцяг Перамогі (Лёзна). – 2003. – 29 крас. – С. 2.

4. Тихомирова, Н. Великое не подлежит забвению / Н. Тихомирова // Сцяг Перамогі (Лёзна). – 2013. – 12 лют. – С. 3.

5. Шабашов, С. М. «Годы были прожиты честно и не зря» / С. М. Шабашов ; беседовал В. Костюкевич // Віцебскі рабочы. – 2003. – 29 крас. – С. 2.

6. Шабашов, С. М. Фронт в тылу врага / С. М. Шабашов // Віцьбічы = Витьбичи. – 2004. – 26 июня. – С. 3.

7. Шабашов Сергей Михайлович // Почетные граждане белорусских городов : биографический справочник / Б. Д. Долготович. – Минск : Беларусь, 2008. – С. 69.

8. Шабашов Сергей Михайлович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 595.