Шчадроў Павел Сцяпанавіч нарадзіўся ў 1922 годзе ў в. Лунёва Расонскага раёна.

Удзельнік Вялікай Айчыннай вайны.

У 1938 годзе скончыў Сакалішчанскую сямігадовую школу, у 1941 годзе – Дзёрнавіцкую сярэднюю школу Верхнядзвінскага раёна.

У 1942–1944 гг. – партызан брыгады імя Ракасоўскага, партызанскага атрада «Баявы». У 1944–1945 гг. – у ваенным вучылішчы.

У 1945–1950 гг. – у савецкай ваеннай адміністрацыі ў Германіі.

У 1950–1952 гг. – літсупрацоўнік Полацкай абласной газеты. У 1955 годзе скончыў Вышэйшую партыйную школу ў Мінску, у 1957 годзе – у Маскве.

У 1955–1961 гг. – рэдактар Асвейскай, адказны сакратар Заслаўскай, намеснік рэдактара Лагойскай раённых газет.

У 1961–1969 гг. – рэдактар, старшы рэдактар; у 1969–1990 гг. – загадчык рэдакцыі выдавецтва «Беларусь».

З 1990 года на пенсіі.

Член Саюза журналістаў Беларусі.

Узнагароджаны ордэнамі Айчыннай вайны I ступені, Чырвонай Зоркі, медалямі, Ганаровай граматай Вярхоўнага Савета БССР.

У 1975 годзе прысвоена званне «Заслужаны работнік культуры».

ЛІТАРАТУРА

1. Шчадроў Павел Сцяпанавіч // Памяць: гісторыка-дакументальная хроніка Расонскага раёна / рэдкал.: Б. І. Сачанка [і інш.] ; мастак А. М. Хількевіч. – Мінск : БелЭн імя П. Броўкі, 1994. – С. 539.