Сіповіч Часлаў Вінцэнтавіч нарадзіўся 25 (8) лістапада (снежня) 1914 года ў в. Дзедзіна Дзісенскага павета Віленскай губерні (зараз Мёрскі раён), грамадскі і рэлігійны дзеяч.

У 1928–1938 гг. вучыўся ў гімназіі пры Друйскім кляштары айцоў Марыянаў, у Віленскім універсітэце. У 1942 годзе скончыў у Рыме Грыгарыянскі ўніверсітэт, у 1946 годзе – пантыфікальны інстытут вывучэння Усходу. У 1940 годзе Ч. Сіповіч быў пасвячоны ў ксяндза.

З 1947 года жыў у Лондане, у 1947–1960 гг. і 1970–1981 гг. узначальваў Беларускую каталіцкую місію ў Вялікабрытаніі. Епіскап каталіцкай царквы (1960). У 1960–1981 гг. – апостальскі візітар для беларусаў-каталікоў заходніх і ўсходніх абрадаў у эміграцыі. У 1963–1969 гг. – генерал ордэна Марыянаў, жыў у Рыме. Адзін з ініцыятараў стварэння згуртавання беларусаў Вялікабрытаніі, англа-беларускага таварыства (1954), адкрыцця беларускай секцыі радыё Ватыкана (1950). Арганізатар беларускай школы імя св. Кірылы Тураўскага (1961), Беларускай бібліятэкі і музея імя Францыска Скарыны ў Лондане.

Аўтар артыкулаў па гісторыі хрысціянства на Беларусі, па беларускай духоўнай літаратуры XVII ст.

Памёр Часлаў Вінцэнтавіч 4 кастрычніка 1981 года.

ЛІТАРАТУРА

1. Вішнеўская, В. Сын слаўнай Дзедзінкі / В. Вішнеўская // Міёрскія навіны. – 2014. – 1 лістап. – С. 2.

2. Ермалёнак. В. Лондан: канферэнцыя ў гонар нашага земляка / В. Ермалёнак // Сцяг працы (Міёры). – 1992. – 18 крас. – С. 2.

3. Ермалёнак, В. Часлаў Сіповіч / В. Ермалёнак // Сцяг працы (Міёры). – 1996. – 17 верас. – С. 3.

4. Лупач, З. 100-годдзе з Дня нараджэння біскупа Чэслава Сіповіча адзначылі ў Друі / З. Лупач // Вольнае Глыбокае. – 2014. – 4 верас. – С. 5.

5. Сіповіч Часлаў Вінцэнтавіч // Імёны. Асобы. Лёсы: ураджэнцы Віцебшчыны ў далёкім і блізкім замежжы / М. П. Кузьміч, М. І. Сцепаненка. – Мінск : Літаратура і мастацтва, 2012. – С. 262.

6. Сіповіч Часлаў Вінцэнтавіч // Нашы землякі ў далёкім і блізкім замежжы : біяграфічны даведнік / М. П. Кузьміч, М. І. Сцепаненка. – Віцебск : Віцебская абласная друкарня, 2007. – С. 154.

7. Языковіч, Л. У. Сіповіч Часлаў Вінцэнтавіч / Л. У. Языковіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2002. – Т. 14 : Рэле–Слаявіна. – С. 412.

СПАСЫЛКІ

 Выдатныя людзі ў розных галінах дзейнасці Мёрскі раён