Слямнёў Міхаіл Аляксандравіч нарадзіўся 15 лістапада 1939 года ў в. Малыя Стайкі Гарадоцкага раёна. Доктар філасофскіх навук, прафесар, сапраўдны член дзвюх міжнародных акадэмій: Міжнароднай акадэміі арганізацыйных і кіраўнічых навук, Міжнароднай акадэміі вывучэння нацыянальных меншасцяў.

У 1962 годзе скончыў фізіка-матэматычны факультэт Віцебскага дзяржаўнага педагагічнага інстытута імя С. М. Кірава, у 1970 годзе – аспірантуру пры Інстытуце філасофіі і права Акадэміі навук БССР. Працаваў настаўнікам у школе, з 1971 года – у Віцебскім педагагічным інстытуце імя С. М. Кірава: з 1982 года – загадчык кафедры.

У 1991–1995 гг. – дэпутат Вярхоўнага Савета Рэспублікі Беларусь, старшыня камісіі па нацыянальнай палітыцы і міжнацыянальных адносінах. У 1995–1997 гг. – генеральны консул Рэспублікі Беларусь у г. Беласток (Польшча), у 1998–2005 гг. – загадчык кафедры ў Віцебскім філіяле Інстытута сучасных ведаў, у 2005–2007 гг. – прафесар кафедры сацыяльна-гуманітарных дысцыплін Віцебскага філіяла Міжнароднага інстытута працоўных і сацыяльных адносін, з 2007 года – прафесар кафедры сацыяльна-гуманітарных навук Віцебскага дзяржаўнага ўніверсітэта імя П. М. Машэрава.

Узнагароджаны Ганаровымі граматамі Вярхоўнага Савета БССР, Віцебскага абласнога выканаўчага камітэта, нагруднымі знакамі «Выдатнік асветы БССР», «Выдатнік народнай асветы». У 1990 годзе Міхаіл Аляксандравіч быў удастоены звання «Заслужаны дзеяч навукі БССР».

ЛІТАРАТУРА

1. М. А. Слемнёв: «Счастье для меня жить в кругу родных и близких» // Мы і час (Віцебск). – 2019. – 26 лістап. – С. 8.

2. Савік, М. П. Слямнёў Міхаіл Аляксандравіч / М. П. Савік // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2002. – Т. 15 : Следавікі–Трыо. – С. 36.

3. Слемнёв Михаил Александрович // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 472.

4. Слемнёв Михаил Александрович // Республика Беларусь : энциклопедия : [в 7 т.] / редкол.: Г. П. Пашков [и др.]. – Минск : БелЭн імя П. Броўкі, 2008. – Т. 6 : Пейзаж–Снегирёв. – С. 696–697.

5. Слямнёў Міхаіл Аляксандравіч // Памяць: Гарадоцкі раён : гісторыка-дакументальныя хронікі гарадоў і раёнаў Беларусі / рэдкал.: Н. А. Бурунова [і інш.] ; уклад. С. І. Садоўская ; мастак Э. Э. Жакевіч. – Мінск : Беларусь, 2004. – С. 715.

СПАСЫЛКІ

 Слемнев Михаил Александрович