Сцяпук Леанід Якаўлевіч – вядомы беларускі вучоны ў галіне механізацыі сельскай гаспадаркі.

Нарадзіўся ў 1941 годзе ў аг. Камень Лепельскага раёна.

Працоўную дзейнасць пачаў у 1957 годзе вадзіцелем у калгасе «Калгасная праўда».

У 1965 годзе скончыў Беларускі інстытут механізацыі сельскай гаспадаркі.

З 1965 года працаваў галоўным інжынерам саўгаса «Рошчына», дырэктарам саўгаса «Майскі», дырэктарам птушкафабрыкі «Калінінградская» (Калінінградская вобласць).

У 1983–1998 гг. – намеснік дырэктара па навуковай рабоце Цэнтра НДІ механізацыі і электрыфікацыі сельскай гаспадаркі Нечарназёмнай зоны СССР (зараз РУП «НПЦ НАН Беларусі па механізацыі сельскай гаспадаркі», Мінск).

У 1985 годзе – вынаходнік СССР.

З 1998 года па цяперашні час – загадчык лабараторыі механізацыі прымянення ўгнаенняў і хімічных сродкаў абароны раслін НПЦ НАН Беларусі па механізацыі сельскай гаспадаркі.

Доктар тэхнічных навук (1992), прафесар (1998).

Аўтар больш за 200 публікацый, у тым ліку манаграфіі «Механізацыя атрымання і прымянення шматкомплексных сельскагаспадарчых матэрыялаў» (1990); адзін з аўтараў манаграфій «Механізацыя працэсаў хімізацыі і экалогія» (1993), «Машыны для прымянення сродкаў хімізацыі ў земляробстве: канструкцыя, разлік, рэгуляванне» (2006), «Тэхналогіі і машыны для ўнясення мінеральных угнаенняў» (2010). Мае звыш 60 аўтарскіх пасведчанняў на вынаходкі і патэнтаў.

Сфера навуковых інтарэсаў: пытанні механізацыі сельскагаспадарчай вытворчасці.

Жыве ў Мінску.

ЛІТАРАТУРА

1. Міхно, У. Ступені росту / У. Міхно // Лепельскі край. – 2013. – 26 сак. – С. 3.

2. Степук Леонид Яковлевич // Регионы Беларуси : энциклопедия : в 7 т. / редкол.: Т. В. Белова [и др.]. – Минск : БелЭн імя П. Броўкі, 2011. – Т. 2 : Витебская область : в 2 кн. – Кн. 2. – С. 492.

3. Степук, Л. Эффективность по крупицам: о виртуальном и реальном энергосбережении в сельском хозяйстве / Л. Степук // Беларуская думка. – 2009. – № 4. – С. 33–37.

4. Сцяпук Леанід Якаўлевіч // Беларуская энцыклапедыя : у 18 т. / рэдкал.: Г. П. Пашкоў [і інш.]. – Мінск : БелЭн, 2002. – Т. 15 : Следавікі–Трыо. – С. 318–319.

5. Чайка, М. Степуково поле... / М. Чайка // Республика. – 2011. – 18 лют. – С. 4.