Сурнічэнка Серафім Іосіфавіч
Сурнічэнка Серафім Іосіфавіч нарадзіўся ў 1921 годзе ў в. Рубахі Расонскага раёна.
Вучоны-гісторык, кандыдат эканамічных навук (1963), прафесар (1979).
Удзельнік Вялікай Айчыннай вайны.
З дзяцінства – у Чалябінскай вобласці. Скончыў педагагічнае вучылішча.
З 1939 года – у Чырвонай Арміі. З ліпеня 1939 года – на фронце.
Пасля датэрміновага заканчэння Іванаўскага ваенна-палітычнага вучылішча быў накіраваны камсоргам палка на Цэнтральны фронт.
Дывізія ў перыяд адступлення вяла баі на тэрыторыі Гомельскай, Магілёўскай, Бранскай абласцей. Сурнічэнка С. І. быў цяжка паранены.
Са снежня 1941 па жнівень 1942 гг. – палітрук роты аўтаматчыкаў, камсорг палка ў складзе 173-й стралковай дывізіі (былой 21-й дывізіі народнага апалчэння Масквы) на Заходнім фронце.
Са жніўня 1942 года – на Сталінградскім фронце.
Пасля трэццяга цяжкага ранення быў дэмабілізаваны.
Воінскае званне – капітан.
Сурнічэнка С. І. быў узнагароджаны ордэнам Айчыннай вайны I ступені, медалямі «За адвагу», «За абарону Масквы», «За абарону Сталінграда», «За перамогу над Германіяй у Вялікай Айчыннай вайне 1941–1945 гг.».
З лютага 1943 па верасень 1952 гг. – на камсамольскай рабоце: сакратар Залатавустаўскага гаркама УЛКСМ (1943–1946), другі сакратар Чалябінскага абкама камсамолу, першы сакратар Бранскага абкама камсамолу, загадчык аддзела працоўных рэзерваў ЦК УЛКСМ.
Скончыў Вышэйшую партыйную школу.
У 1955–1974 гг. на партыйнай працы: першы сакратар Шчучынскага райкама партыі на цаліне ў Казахстане, сакратар Уладзімірскага абкама КПСС.
У 1974–1991 гг. – загадчык кафедры, прафесар Вышэйшай партыйнай школы і Акадэміі грамадскіх навук пры ЦК КПСС.
Сурнічэнка С. І. выпусціў 15 манаграфій, навучальныя дапаможнікі і брашуры.
Пасляваенная праца адзначана ордэнамі Працоўнага Чырвонага Сцяга (тройчы), «Знак Пашаны», Дружбы народаў.
СПАСЫЛКІ
